أكد الفنان عمر كمال، أنه لم يتلقَ مكالمة عتاب من حسن شاكوش وبيكا حول أزمة تصريحات الموسيقار هاني مهنا، بسبب حضورهم حفل زفاف ابنته هنادي والفنان أحمد خالد صالح، وتابع قائلا "محدش كلمنى منهم عشان يعاتبني وهما متأكدين لأنى أرسلت لهم مكالمة صوتية من هنادي مهنا، ويعاتبوني لو أنا ضرتهم زى ما بيقول الموسيقار هانى مهنا أنى كنت عايز أجامل هنادي روحت جيبتهم معايا، هما مش ولاد أختى عشان أخدهم في أيدي وأروح بيهم الفرح. وأكد عمر كمال فى تصريحات لتليفزيون اليوم السابع، أنه لا يفكر في نشر مكالمة هنادي مهنا أو الرسالة الصوتية، وتابع قائلاً: مش عايز الأمور توصل لهذه المرحلة وعيب جدًا ودي عروسة ربنا يفرحها ليه يوصل لكده، وهيا بتشكرنا وذوق جدًا وإحنا بنشكرها أنها تعتبرنا زي اخواتها ومبسوطة بينا وبتسمعنا. أقسم بالله أنا مش عايز أرد عشان الناس بتقول بيتلككوا عشان التريند، بس إحنا شكلنا وحش لو مطلعناش ردينا، "بيتقال علينا متطفلين" لا إحنا روحنا بناء على دعوة من بنت حضرتك اللى عزمتنا وفى كمان تأكيد على الحضور، وحضرتك كنت في الفرح لو كنت قولت دول مش مرغوب فيهم كنت روحت لمنظمى الفرح وقولتلهم إيه اللى جابهم.
هنادي مهنا هانى مهنا عمر كمال حمو بيكا حسن شاكوك فرح هنادي مهنا ازمة فرح هنادي مهنا تصريحات هانى مهنا تليفزيون اليوم السابع الموضوعات المتعلقة هنادى مهنا:" أنا اللى عزمت شاكوش وبيكا وكمال على فرحى وبابا مكنش يعرف" الأحد، 08 نوفمبر 2020 07:25 م هنادى مهنا تهدى زوجها أغنية جديدة بعنوان "أول كلام" بتوقيع محمد عاطف السبت، 07 نوفمبر 2020 11:10 م أبرز إطلالات النجمات بفساتين الزفاف فى 2020.. آخرهن هنادى مهنا السبت، 07 نوفمبر 2020 10:00 م