يكتب: فريت قطاع عام.. حلمت مره أنى لقيت الفانوس لقيته واقع وسط غابه م التيوس بيدهوسوا و يبرطعوا .... وسط زحمه م النفوس قلت أفتحه.. يمكن ألاقى رزمه م الفلوس ولا تطلع واحده حلوة متزينة ف هيئه عروس ولا أدعكه..يمكن يطفش التيوس طلع لى منه فجأه عفريت عبوس قال بصوت جهورى ليه تثور يابن آدم ع الجاموس إنت واكل لحمه نيّه ولا شارب عرق سوس لجل تخرج للميدان وتطالبهم بالفلوس إلا قول لى .. إنت سددت المكوس..؟ ولا ف بلادكوا قيمه المكوث؟ مش كفايه أنك إنت إنسان يؤس..! كل ليله تتخمد من غير عشا من غير غموس لما تخرج للشوارع تنضرب زى الناموس احمد الله أنك إنت لسه عايش بره الفانوس ياللا إستحى ولا إتلهى ولا أعتذر للساده التيوس وأنسى أن أخوك توفى ولا اتقتل تحت رجلين الجاموس ولا ممكن راح تساوي مره واحده بين الرؤوس كل عام وانت حقير النهارده عيد الجلوس لما ارتضيت إنك تعيش شهر واحد وسط التيوس تاريخك فيه العبر فيه العظه فيه الدروس .... مش هديه ولا عطية ولا طقس م الطقوس كلمه أخيره خدها منى وبالمحسوس حقك.. هاتاخده غصب عنهم إن كان صهاينة ولا كان هكسوس طول مانت ناب ولا ضرس م الضروس..