بافوت يوماتى بهتف واهاتى مسحراتى فى عنيَّه فرحه فى إيديَّه سبحه يا نايم اصحى رمضان مواتى أنا طفل غاوى رسم وغناوى برسم يوماتى ف كراساتى صليب ومدنه على خير بلدنا إحنا اتولدنا شبيت يا أمى والنيل فى دمى واحب خالى واحب عمى أصوم أصلى وآكل وسمى وعليكى بسمى أسماء بناتى مسحراتى رمضان نادانى والشوق رمانى وجيت أصحى أهلى وجيرانى سلطان زمانى بأغنياتى مسحراتى ياخالتى أسمه وانتى يا نسمه رمضان بشايره هلت علينا والفرحة ماليه البيت والمدينة جاب لينا ة تكفى الغلابة غنى المغنى فوق الربابة رجع المتيم مغرم صبابة وانا أصلى عاشق تراب بلادى والعشق خدنى خلانى أغنى واهتف وآهاتى مسحراتى ع الشط واقف أغسل همومى وصحيت يا سمرة من عز نومى عشان أقولك اصحى وقومى يا رب تقبل منى صيامى يا رب تقبل منى صلاتى مسحراتى يا مصر ياللى حبك نادانى واحلو فيكى عمرى وزمانى باعشق ترابك الزعفرانى واحب نيلك واعشق نخيلك واسهر فى ليلك مغنواتى مسحراتى الله واكبر الله واكبر يا عم أحمد أدن وكبر والفرحه تكبر بشرى الليلادى يا عم نادى رمضان مواتى مسحراتى الفرحة مالية البيت والشوارع الله اكبر الله أكبر فى كل جامع والكل عابد راكع وساجد أنا أحب شمسك وأحب ضلك ولا عمرى أغشك ولا عمرى أضلك وإن غابوا عنك وحدى فاضلك ما أنا أصلى عاشق والعشق حيرة وأنت الأميرة وأنا إيه فى حبك دا كتير حبايبك إيشيى مغرمين و إيشيى حيرانين إيشيى سهرانين إيشيى بربابة وإيشيى ناياتى مسحراتى