بعد طول الغياب أخيرًا ياملاكى سمعت صوتك كملى جميلك ياعمرى وخلينى أشوفك ماتخافيش أبدا م المواجهة وشجعينى واقتلى خوفك نفسى أشوفك ياللى بتمنى أقابلك النهارده قبل بكره بس خايف لتصيبنى سيوفك رقة وثقافة ولباقة خلت حروف الهجاء بتتمنى لو تصبح حروفك حتى القمر بيستخبى ف السما لما بتظهرى علشان يشوفك عمرى ماتمنيت فى الدنيا غيرك رغم إنى حبيتك من غير ما أشوفك يمكن يكون حبك جنون بس الحب مايعرفش ظروفى أو ظروفك الدنيا بنعيشها مرة واحدة وأنا بموت ف بعدك كل يوم ألف مرة واللى حايحيينى تانى إنى أشوفك نفسى أشوفك