أرسل القارئ محمد عادل مشرف، صوراً لخدمة "صحافة المواطن" باليوم السابع، توضح نجاحه فى القيام بحمية غذائية أنقذت وزنه 40 كيلو جرام، لينخفض وزنه من 121 كيلو إلى 85 كيلو، مشيراً إلي رغبته فى مشاركة القراء بتجربته لما يعانيه البعض من متاعب السمنة. وقال القارئ: "حكايتى ببساطة إنى كنت بحب الأكل بشكل هستيرى أكل غير صحى بالمرة فاست فود، أكلات دسمة .. كل دة وصلنى لوزن 121كجم وحاولت كتير إنى أخس ماعرفتش وبسبب تخنى ده تسبب فى علو الكوليستيرول عندى، وبدوره على الضغط عندى وتضخم عضلة القلب ودهون على الكبد وهنا كانت اللحظة الفارقة بالنسبالى ومن ساعتها وبالتحديد من شهر 2 العام الماضى قررت إنى لازم أكل صح وألعب رياضة وبدأت رحلتى مع الدايت وكان فى الأول صعب بس لما لقيت نفسى بخس وشكلى بيتغير وصحتى بتتحسن كانت عزيمتى فولاذ بمعنى الكلمة وكملت ولعبت رياضة وبقة أسلوب حياة بالنسبالى الأكل الصحى والرياضة.. وبفضل الله قدرت إنى أوصل ل 85كجم وكل المشاكل الصحية انتهت ولسة مستمر فى حياة صحية الى مالا نهاية". وتابع:"النظام كله اعتمد على 5 وجبات صغيرة بمواعيد ثابتة عشان الحرق يبقى شغال دائما وشرب مياه كتير جدا وشاى أخضر والتفاح الأخضر صديق دائم بالرجيم مع عدم أكل نشويات بعد المغرب وقبل النوم زبادى بنصف لمونة وقرفة لفقد دهون البطن وطبعا مع الرياضة المستمرة، وطبعا الابتعاد عن المقليات والسكريات والاعتماد على الدهون الصحية والسكريات من الفواكة وعسل النحل". شاركونا فى تحرير المواد الصحفية، بإرسال الصور والفيديوهات والأخبار الموثقة لنشرها بالموقع والجريدة المطبوعة، عبر خدمة "واتس آب اليوم السابع " برقم 01280003799، أو عبر البريد الإلكترونى [email protected]، أو عبر رسائل "فيس بوك"، على أن تُنْشَر الأخبار المُصَوَّرَة والفيديوهات باسم القُرّاء. موضوعات متعلقة: لو عامل دايت وبتمارس رياضة المشى ومش بتخس.. اعرف الأسباب
