القبض على أخطر لص تخصص فى سرقة بطاريات السيارات بالدقهلية

ألقت وحدة مباحث قسم أول المنصورة، بمديرية أمن الدقهلية، القبض على أخطر لص، تخصص فى سرقة بطاريات السيارات بمدينة المنصورة، ومراكز محافظة الدقهلية.
وتلقى اللواء عاصم حمزة، مدير أمن الدقهلية، إخطارا من المقدم شريف أبو النجا، رئيس مباحث قسم أول المنصورة، يفيد بالقبض على شخص متهم بسرقة بطاريات السيارات المتوقفة بشوارع المدن.
وتم القبض على حامد.م وشهرته "السنكاف"، والمسجل جنائى تحت رقم 378 فئة ب، فرض سيطرة وسرقات، ومقيم شارع سوق الخضار بدائرة قسم أول المنصورة، وبحوزته 15 بطارية سيارات.
وبتقنين الإجراءات ومناقشة المتهم، اعترف أنه ارتكب العديد من وقائع سرقة البطاريات، من بينها سرقة بطاريات من داخل مخزن الإدارة الهندسية، التابع لإدارة غرب المنصورة التعليمية.
وتم تحريز 3 لفافات ورقية، بداخلها مسحوق بيج اللون "بودرة الهيروين المخدر"، وكذا مبلغ مالى، واعترف المتهم بارتكابه سرقة مخازن إدارة غرب المنصورة التعليمية والسيارات التابعة لها.
وقال "السنكاف" أنا مسرقتش العربية كلها، دا بطارية يعنى 100 جنيه هتفرق إيه مع صاحب عربية بآلاف الجنيهات، أنا ظروفى صعبة، وبجرى على أخواتى وزوجتى وعيالى 4، وملقتش فرصة عمل.
وأضاف المتهم خلال التحقيقات "لو رجع الزمن بى لورا مش هعمل كدا، أنا ربنا كان تاب على بعد ما خرجت من السجن، وكنت كسيب وبشتغل بالحلال، بس صاحب الشغل طردنى، ولا يرضى صاحب أى عمل من أن أعمل بالورش لأنى كنت مسجون، فمديت أيدى للحرام تانى".
ويتابع قائلا "أنا كنت بشتغل ميكانيكى، وكانت يوميتى 50 جنيها فى اليوم، بس مش بيكفوا مصاريفنا إحنا 6 أفراد، ومفيش مورد رزق تانى لى، اضطريت أروح للحرام، ومكنتش بسرق العربيات القديمة، لكن عربية ثمنها يتعدى 200 ألف جنيه، مش هيفرق 400 جنيه مع صاحبها تمن بطارية جديدة ببيعها أنا ب100 جنيه بس.