طريق الأمل يبدأ بخطوة والخطوة تبدأ بفكرة والخطوة وراها خطوة خلى أملك دايما فى بكرة والخطوة تبقى مشوار خليك فيه زى الصبار صبر كتير وأشواك من نار ولو المشوار طريقه طويل وإن طال فيه ساعات الليل أكيد هيجى بعده نهار وتفتح فيه الأزهار ومش عايز جزمة بكعب محتاج منك تدوس عل الصعب ولو الحظ شوية معاندك ولا واقف معاك ومساندك اصبر وصابر ربك قادر قالك مع العسر فيه يسر وبعد العسر هيجى اليسر بس انت امن بحلمك واوعى ف يوم تفقد املك وإن حاربوك بعض الناس وقالوا مشوارك ملهش اساس خلى كلامهم دافع ليك مش يضعفك خليه يقويك ولما يشوفوا بكره نجاحك هتفتكر أيام كفاحك بس أنت أبدأ بخطوة والخطوة وراها خطوة خلى أملك دايماً فى بكرة