سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
نص تحقيقات النيابة فى واقعة علقة ماجد الكدوانى ل"عامل" بنزينة مصر الجديدة.. المجنى عليه: أنا عامل نظافة من اختصاصى تنظيف الحمامات الرجالى والحريمى.. و"غلطتى إنى فتحت حمام رجال لقيت فيه ست تبع الفنان"
ينشر "اليوم السابع" نص تحقيقات النيابة العامة فى واقعة اتهام الممثل ماجد الكدوانى، بالاعتداء على عامل بنزينة، حيث استمع محمد عبد الله، وكيل النيابة، الى أقوال المجنى عليه محمد عبد الله، عامل البنزينة، فى القضية رقم 1256 لسنة 2015 جنح مصر الجديدة . وفيما يلى نص التحقيقات ما هى تفصيلات بلاغك؟ اللى حصل إنى شغال فى بنزينة موبيل عامل نظافة، ويوم 10 فبراير حوالى الساعة 7 صباحًا كنت بنضف الحمام الرجالى، ولما طلعت منه لقيت الممثل اللى اسمه ماجد الكدوانى دخل الحمام يستخدمه، وبعد كده جيت أفتح باب الكبينة اللى مخصصة للرجال لقيت واحدة موجودة وقاعدة على القاعدة بتستخدم الحمام، رحت رديت الباب بسرعة، وبلغت ساعتها أيمن خالد علشان هو مدير الشفت، إنى فتحت باب الحمام الرجالى ولقيت واحدة جوه. وأضاف محمد: "وبلغته إنى خرجت على طول وقفلت الباب ورايه بمجرد حدوث الموقف ده، وبعد كده خرجت الست ورايا وفضلت تشتمنى وتقولى يا معتوه إنت إزاى فتحت الباب بتاع الحمام، وبعد كده طلع الأستاذ ماجد من الحمام، وطلع إن الست دى تبعه وحكتله على كل اللى حصل، وبعدها فضل يزعق ويشتم شتايم قبيحة، وبعد ما طلب إنى أتأسف له رحت علشان أعتذر له اعتدى عليا بالضرب بأيده وكمان فضل يضربنى بالشلوت" . وتابع المجنى عليه: "وبعد كده الناس والعمال خلصتنى منه وبعد كده دخلت جوه فى إدارة العاملين ولقيته جه ورايا وفضل يشتم ويزعق فى المكان كله يقول مش هسيبه، والدليل على كلامى إن الكاميرات بتاعت البنزينة صورت كل الواقعة، وبعد كده رحت القسم وعملت محضر باللى حصل، وقمت بعمل توقيع الكشف الطبى، وده كل اللى حصل" . من كان برفقتك آنذاك؟ كان معايا العاملين ومنهم مدير الشفت أيمن خالد، وهو شاهد على الموضوع كله. ما هى الأعمال التى قمت بها تحديدًا داخل المكان؟ أنا عامل نظافة ومن ضمن اختصاصى تنظيف الحمامات الرجالى والحريمى. ما هى مواعيد عملك تحديدًا؟ أنا فى اليوم ده ورديتى كانت من الساعة 12 صباحًا إلى ال8 صباحًا، واليوم ده كنت شغال فترة ليلية مكان زميل كان مسافر، لكن فى الطبيعى مواعيد عملى من 11 مساءً إلى ال7 صباحًا. صف لنا مكان حدوث الواقعة تحديدًا؟ هو جوه بنزينة موبيل فى صلاح سالم، يوجد كافيه أول ما تدخل الكافيه فى الجهة المقابلة فيه كشير، وعلى اليمين توجد طرقة فى آخر المحل تؤدى إلى الحمامات، والحمامات دى عبارة عن كبائن الأولى والثانية رجالى والثالثة حريمى، ومكتوب دا على الباب، والباب لما بيتقفل بيظهر على الكالون من بره علامة حمراء لما يكون الحمام مشغول، وعلامة خضراء لما يكون مفتوح. ما الذى جذب انتباهك آنذاك؟ أنا كنت بنضف الحمامات وبعد لما خلصت أول كابينة وخرجت منه كان الأستاذ ماجد الكدوانى داخل فيها علشان يستخدمها، وبعد كدا دخلت على الكابينة ثانية، وكان الباب مغلقا وعليه العلامة الخضراء، قمت فاتح الباب على أساس إن محدش جوه، لكنى لما فتحته لقيت سيدة قاعدة على القاعدة، وساعتها خرجت وقفلت الباب بسرعة. وما هى الحالة التى كانت عليها السيدة المتواجدة داخل الحمام الرجالى؟ أنا لما فتحت الباب علشان أنضف الحمام لقيتها كانت قاعدة على القاعدة، وكان ظاهر عليها علامات التوتر.
