عايش فى دنيا غريبة تايه بقالى سنين لا فاهم ليه ولا إزاى ولا عارف دول يبقوا مين والدمع فى عيونهم ده حزن؟ ولا يكونوش مبسوطين؟ هو أنا مجنون؟ ولا هما المجانين؟ يمكن نايم وبحلم صحونى يا صاحيين وخدونى لدنيا تانية ناسها يكونوا مفهومين أنا عايش جوه فيلم كتب السيناريو مين؟ أنا كل ما أمشى بتوه فين آخر البلاتوه؟ ولو وقفت مكانى برجع أتوه تانى يا دنيا لبسك أبيض وبياضه شايفه سواد والحزن اللى أخلص منه بلاقيه تانى بيتعاد وامتى هسمع "كَت"؟ ده عذابك ليا زاد أنا مجنون ولا عاقل؟ جاوبى كفاية عناد