يالى قولتوا عا لجدار أمن وأمان وعز ودولة والسيادة عالظلم اللى كان قولت ماشى لو على السيادة نبنى بدل الجدار ألف وألف أبرر لكم فى كل البلاد لف بس ياسادة فهمونى على إيه تبقى السيادة وعلى مين تبقى الريادة على دم أبويا اللى مات على السد ولا أخويا اللى اتقتل وهو بيحمى الحد آه يأهل غزة يامظلومين ملكمش حد ده أهل غزة ياناس أهلنا وإن كان غلط فيهم حد هو إننا منعنا حتى الهوا يدخل لهم الا بإذن ولما العجوز احتاج دوا قلنا مهو فانى هو ليه متمسك بالحياه يعنى هينكتب له عمر من جديد تانى ياسادة ياللى بتقولوا سيادة إرحموا جهلى ......طب فهمونى ده أنتم مسكتوا القلم وعرفتوا الكتابة وأنا يدوب بفك الخط بزيادة فهمونى يعنى أيه تبقى السيادة وهى فين بقى الريادة لما أحاصر طفل وأهديه للموت وأمنع بإيدى عن الحريم القوت ياناس عرفونى يمكن أنا غلطان طب فهمونى طب هما ليه فى الصخر نبشوا وداقوا المر مش بنا وبنهم وريد وعبور وممر يعنى لو فتحنا كل حاجه قدام عنينا تمر يامصر طول عمرك يابلدى عالية وكبيرة للكل افتحى دراعك لغزة دى هى بنتنا وسحابة وتمر