سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
ننشر نص كلمة الرئيس عقب اجتماع "الأعلى للقوات المسلحة".. السيسى: دعم خارجى وراء حادث سيناء وهدفه إسقاط الدولة.. ويؤكد: أخاف على المصريين ولا أخشى أى تهديدات.. وإجراءات حاسمة على الحدود مع قطاع غزة
قدم الرئيس عبد الفتاح السيسى، التعازى لكل المصريين وللجيش على الشهداء الذين سقطوا بالأمس، فى سيناء، قائلا:" المهم أن نكون عارفين الهدف من وراء تلك العملية وهناك دعم خارجى قدم لتنفيذ تلك العملية التى حدثت أمس، مضيفا أن الحادث هدفه كسر إرادة المصريين والجيش باعتباره عمود مصر". وتابع:"مش مطلوب مننا ننجح، وانتبهوا يا مصريين لما يحاك لنا، كل اللى بيحصل عارفينه وتحدثنا عنه من قبل 3 يوليو ودا مشوار إحنا هنمشيه وأمر هنقابله وكنا بنقول يا يقابلوه المصريين يا يقابلوه الجيش وقولنا الجيش هيقابله وأوعوا تتصوروا إن سقوط ولاد مصر مبيوجعناش ولكن ولاد مصر سقطوا عشان تفضل مصر وأنا قلت إن فى شهداء سقطوا قبل كدا وشهداء هيسقطوا تانى وتالت لأنها قضية وحرب كبيرة". واستطرد قائلا:"إحنا يا مصريين كلنا على قلب رجل واحد ومنتلغبطش.. نزعل أه.. نتأثر أه.. لكن نبقى عارفين أبعاد المؤامرة الكبيره ضدنا، وأنا مبقلقش غير من حاجة واحدة بس خوفى عليكم أنتم يا مصريين لكن أى تهديد آخر أو تحدى آخر مبيشغلنيش". وأضاف:"طول ما المصريين واقفين ومنتبهين ومش ناسيين إن الهدف كان إسقاط الدولة دى.. ومش هتسقط بفضل الله تعالى.. وبفضل المصريين الموجودين وعارفين الكلام اللى أنا بقوله دا وكل التحديات والمشاكل تهون طالما الشعب المصرى منتبه وصامد هو وجيشه وشرطته كدا هو حد هيخش بينا وبين بعض ويلغبطنا ولا أيه حد هيخش بين الشعب المصرى وبين أجهزة الدولة فى مصر ويلغبطه ولا أيه دا الخطر الحقيقى علينا كدا إحنا ثابتين ومتحركين فى اتجاه واحد وهو إعادة الدولة المصرية إلى ماكنتها ودا مش سهل وعايز صبر وهناك معاناة وفى ألم وفى دم بس عشان خاطر بلدنا دلوقتى وللأجيال القادمة". وتابع:"المحصلة خلال الشهور الماضية ضخمة جدا حتى فى مكافحة الإرهاب دا بيسقط كل يوم من الإرهابيين دول بالعشرات إحنا مش بنقول يبقى فى رد فعل سعيد بكدا لكن على الأقل نقدر لكدا فى شهور وإرهاب يتم قتاله بقاله شهور وعشرات من القتلى على مدى أسابيع والشهور الماضية المئات من الإرهابيين تم تصفيتهم أنتوا عارفين سيناء دى كانت هتبقى كتلة إرهاب وتطرف لا يستطيع أحد أن يتخلص منها". وقال: "أنا قولت إن المعركة فى سينا ممتدة ومش هتخلص فى أسبوع أو يوم أو اتنين من فضلكوا إحنا ثابتين وراسخين ولا حد يقدر يدخل بين الشعب المصرى ووحدته وبين قيادته دا الخطر الحقيقى، إحنا النهاردة وإمبارح خدنا إجراءات والإجراءات اللى خدناها اليوم فى إطار التطور اللى حصل دا هيقابله تطور من عندنا والمنطقة الحدودية بيننا وبين قطاع غزة، لابد أن يكون فى إجراءات هيتعمل عشان ننهى المشكلة دى من جدورها مشكلة رفح والمنطقة الحدودية وفى إجراءات هتتخذ كثيرا خلال الفترة القادمة اطمنوا اطمنوا وديما تكونوا عندكم أمل فى الله سبحانه وتعالى وثقة فيه ثم فى نفسكم". واختتم حديثه قائلا:"إن شاء الله لازم الغد يكون أفضل لأنى بقول ديما الهدف البناء والإصلاح مش الهدم والقتل ولا يمكن ربنا هيدعم غير البناء والإصلاح ما ينفع الناس.. ومرة تانية البقاء لله وتعزيتى مش أبدا لأهالى الشهداء.. لا التعزية لينا كلنا كمصريين لأن دول أبناء مصر وسقطوا من أجل أن تبقى مصر وستبقى مصر وستبقى مصر.. وتحيا مصر تحيا مصر تحيا مصر". موضوعات متعلقة.. الرئيس السيسى: نتحرك لإعادة الدولة المصرية إلى مكانتها الرئيس: إجراءات جديدة على الحدود مع غزة لإنهاء الإرهاب السيسى: المصريون على قلب رجل واحد ومصر لن تسقط بفضل الله الرئيس للمصريين: اطمئنوا والغد سيكون أفضل الرئيس السيسى: نخوض حرب وجود.. وحادث أمس لكسر إرادتنا السيسى: حادث سيناء الإرهابى وراءه دعم خارجى الرئيس : هناك دعم خارجى للإرهابيين وأطالب كل المصريين بالانتباه الرئيس السيسى يصل مطار ألماظة لحضور الجنازة العسكرية لشهداء العريش
