كشفت تحقيقات النيابة العامة فى قضية اغتصاب فتاة فرشوط - طبقا لاعترافات المجنى عليها يسرا (12 سنة) - أن المتهم استوقفها أثناء عودتها من السوق متوجهة إلى منزلها، واعتدى عليها وفر هاربًا عقب استغاثتها وصراخها الشديد الذى منعه من إكمال جريمته، إلا أن المتهم أنكر بالتحقيقات جميع التهم الموجهة إليه، وقال إنها ملفقة وأنه لم ير الفتاة من قبل إلا بالتحقيقات فى 18 نوفمبر الماضى. بدأت الواقعة ببلاغ تقدم به محمد عبد الوهاب إسماعيل أحمد إلى قسم فرشوط، اتهم فيه جرجس بارومى جرجس بالاعتداء على نجلته يسرا (12 سنة) أثناء عودتها من فرشوط إلى بلدها الشقيفى مركز أبو تشت، وذلك باعتراضها أثناء قيادته تروسيكل خاص به أمام قريه الكوم الأحمر. وحرر محضرا بالواقعة برقم 3257 لسنة 2009 إدارى فرشوط وأحيل إلى النيابة العامة التى باشرت التحقيق، حيث أدلت المجنى عليها يسرا بأقوالها كالتالى: • س: الاسم والسن والعنوان؟ • ج: يسرا محمد عبد الوهاب إسماعيل (12 سنة) طالبة بالصف السادس الابتدائى مقيمه بشق التراكوه – الشقيفى – مركز أبو تشت. • س: ما تفصيلات واقعة التعدى عليك؟ • ج: أنا كنت جاية من أبو تشت على فرشوط علشان اشترى شوية حاجات وكنت راكبة الحمارة بتاعتنا وأنا راجعه على أبو تشت قرية الشقيفى قابلنى واحد راكب على تروسيكل محمل عليه أقفاص وقف قدامى وقال لى أنت بنت مين فأنا مردتش عليه ومشيت وبعدين لقيته جاى ورايا ووقفنى ونزلنى من على الحمارة وقام فوقيه وعمل معايا "قله أدب" ولما لاقنى بصرخ جرى وأنا رحت على البيت وحكيت لأبويا وأمى وطلعوا معايا على فرشوط لغاية ما قلبنا اللى عمل معايا كده وأنا شاورت لهم عليه ومسكوه وروحنا على المركز وده كل اللى حصل. • س: أين ومتى حدث ذلك؟ • ج: الكلام ده حصل النهارده الصبح حوالى الساعة 10 عند الكوبرى الغربى اللى رايح على الكوم الأحمر بفرشوط. • س: ما سبب تواجدك بذلك المكان والزمان آنذاك؟ • ج: أنا كنت راجعه من فرشوط بعد ما اشتريت شوية حاجات للبيت. • س: من كان برفقتك أنذاك؟ • ج: أنا كنت لوحدى. • س: متى تحديدا تقابلت مع المتهم قبل التعدى عليك؟ • ج: هو قابلنى فى الطريق قبل ما يتعدى عليا على طول. • س: وهل ثمة حوار دار بينك وبينه؟ • ج: أيوه. • س:وما هو مضمون هذا الحوار؟ • ج: هو فى الأول قال لى أنتى بنت مين فأنا مردتش عليه ومشيت ولما مشى ورايا ووقفنى تانى قال لى أنتى بنت مين قلتله أنا بنت محمد عبد الوهاب وفى الوقت ده شدنى على طول من فوق الحمارة وقام قوام فوقيه وعمل معايا قله أدب. • س: وما هو الحالة التى كان عليها المتهم وقت ذلك؟ • ج: هو كان راكب على تروسيكل ولابس جلبيه وفوقيها جاكت ولما سألنى تانى مرة من على التروسكيل وكان واقف جنب الحمارة اللى أنا راكباها. • س: وهل شاهدكما أحد أثناء ذلك؟ • ج:لا. • س:وما هى الأفعال التى أتاها معكى المتهم لأول وهلة؟ • المتهم قام بإلقائى أرضا وقام بخلع ملابسى كلها ثم قام بالتعدى على جنسيا وعندما بدأت بالصراخ فسابنى وجرى وأنا رحت على البيت بعد كده. • س: ألم تبدر منك حال ذلك ثمة مقاومة أو استغاثة؟ • ج: أنا كنت بأصرخ ولكن هو كان ضخم ومكنش حد فى الطريق ومفيش حد كان سامعنا. • س: وما هو وصف مكان التعدى عليك وطبيعته؟ • ج: هو طريق أسفلت رايح من فرشوط على أبو تشت وتعدى عليه عربيات. • س: وما هو طبيعة المكان من حيث المارة فى ساعة الواقعة؟ • ج: هو الطريق متعديش عليه ناس كتير وساعة اللى حصل مكنش فيه حد فى الطريق. • س: وهل اقترن ذلك التعدى بتهديد أو إكراه؟ • ج : كلا هو وقعنى من على الحمارة على الأرض وقام بالتعدى على مباشرة. • س: وهل كان المتهم يحمل ثمة أسلحة ظاهرة آنذاك؟ • ج: لا. • س: وهل كان ذلك التعدى الجنسى برضاك؟ • ج: لا كان غصب عنى. • س: وهل كنت متواجدة بمكان التعدى عليك بمحض إرادتك أم كان هناك استدراج من المتهم؟ • ج: لا أنا كنت بإرادتى ومروحة على بيتنا وهو قابلنى فى الطريق وعمل معاية فى الطريق. • س: وهل شاهدكما أحد حيال ذلك؟ • ج: لا. • س: وهل قام المتهم بإتيان ثمة أفعال أخرى بخلاف ما قررته سلفا؟ • ج: لا هو معملش غير اللى قلت عليه من قبل كده. • س: وفى اى وقت تعدى عليك المتهم تقريبا؟ • ج:هو الكلام ده كان فى الصبح بس أنا مش عارفة الساعة كام بالظبط. • س: وما هى علاقتك بالمتهم وما هو قصده من ذلك؟ • ج: أنا معرفهوش وهو كان قصده يغتصبنى. • س: وهل سبق للمتهم ارتكاب هذا التعدى من قبل؟ • ج: لا. • س: وهل سبق لأحد غير المتهم ارتكاب قبل ذلك التعدى معك من قبل؟ • ج: لا. انتقلت النيابة بعدها إلى تحقيقاتها مع المتهم فدارت كالآتى: • س: الاسم والعنوان والعمل؟ • ج: جرجس بارومى جرجس بارومى (21 سنة) من الكوم الأحمر مركز فرشوط حاصل على دبلوم زراعة وأعمل موزع فراخ ولا أحمل تحقيق شخصية. • س: ما قولك فيما هو منسوب إليك من أنك المتهم بمواقعة المجنى عليها يسرا محمد عبد الوهاب على النحو المبنى بالأوراق وكان ذلك بغير رضاها؟ • ج: الكلام ده محصلش. • س: ما الذى حدث إذن وما هى ظروف ضبطك وإحضارك؟ • ج: اللى حصل أنا راكب التروسيكل بتاعى وواقف عند المزلقان بتاع القطار بفرشوط وبعدين لقيت ست ومعاها بنتها الصغيرة جايين ناحيتى وبعدين الست الكبيرة مسكت فيا ولمت عليا الناس وبعدين لقيت الناس خدونى على المركز وبعدين جابونى على هنا وده كل اللى حصل. • س: متى وأين حدث ذلك؟ • ج: الكلام ده حصل النهارده 18-11-2009 حوالى الساعة 2 بعد الظهر عند مزلقان فرشوط. • س: وما مناسبة تواجدك فى المكان والزمان سالف الذكر؟ • ج: أنا كنت راكب التروسيكل بتاعى ومستنى المزلقان يفتح علشان أنا بوزع فراخ على البلاد اللى فى فرشوط. • س: من كان يرافقك آنذاك؟ • ج: أنا كنت لوحدى وكان فيه ناس كتير فى الشارع بس معرفش حد فيهم؟ • س: ما قولك فيما قررته المجنى عليها بالتحقيقات بأنك تقابلت معها فى الطريق المؤدى إلى الشقيفى وقمت بسؤالها عن اسم والدها؟ • ج: الكلام ده محصلش. • س: ما قولك فيما أضافته سالفة الذكر بالتحقيقات من أنك قمت بتتبعها وإنزالها من على الدابة التى كانت تستقلها وقمت بالاعتداء عليها جنسيا؟ • ج: الكلام ده محصلش. • س: ما تعليلك لما قررته سالفة الذكر؟ • ج: أنا معرفش هى بتقول كده ليه. • س: هل توجد علاقة أو خلافات بينك وبين والدة المجنى عليها أو أحد من أهلها؟ • ج: لا. • س: هل لديك سوابق جنائية مسجلة؟ • ج: لا. • س: أنت متهم بمواقعة المجنى عليها يسرا محمد عبد الوزهاب بغير رضاها على النحو المبين بالأوراق. • ج: محصلش. • س: هل لديك أقوال أخرى؟ • ج:لا.
