عيونا حزينة همومنا اللى فينا علشانك يا مصر -------- بنحبك يا بلدنا رُحنا أو جينا نفديكى بولادنا وبروحنا وعنينا ---------- يا غنوة حبيبة يا دمعة قريبة يا بسمة بطيبة يا حبيبة يا مصر ------- يا قلب العروبة النابض يا عابد للمولى وساجد يا حُب إلاهى ولابد فى قلوبنا يا مصر ---------- يا أحلى البلاد يا أغلى الولاد فى قلبك وداد من يومك يا مصر ---------- فى جرحك كبيره وف فرحك جميلة وف زعلك أصيلة طول عمرك يامصر ------------ يا شمس النهار يا قمر الليالى يا فجر إنتصار على بالى وجالى ----------- الهِمة يا مصر للأمل المتقدر للقِمة يا مصر زى م كنتى وأكتر ----------- دموعنا ف عنينا بقالها كتير عَلِمت علينا من كُتر م بتسيل عليكى يا مصر ----------- أخرجى يا حلوة م الجسد العليل غنى لينا غنوة من الزمن الجميل يا جميله يا مصر ------------ يا قيمتنا يا جنتنا يا مداين على بيتنا يا كنايس حارتنا يا مشاعل سِكتنا ياعظيمة يا مصر --------------