فى أى موضوع يقولك مش عارف..مش فاهم...طب القضية الفلسطينية..مش بتاعتى...طب وامريكا..يقولك مليش فيها..طب والسودان يقولك شقيقة مصر..طب واى حاجة ف اى حاجة...متعرفش بقى له الشعب المصرى بقى (مالوش فيها)او الموت الزؤام..مقولة أصبحت تنتشر كثيرا فى أروقة الشارع المصرى..تيجى تسال واحد يفكر ف الازمة الاقتصادية اكثر ما يفكر فى اى شىء اخر..والحياة اصبحت..مش عارف..مش فاهم..!! ايه النهاردة...هنقابل مين عالقهوة؟؟..هنقبض كام..هنشتغل ايه..حتى الاخيرة دى مبقيتشى موجودة..وتيجى تسال حد من شباب اليومين دول عايز تدخل كلية ايه..يقولك اة حاجة..طب عايز تشتغل ايه..يقولك اى حاجة..الى تلك الدرجة مبقيتشى حاجة فارقة مع الناس..؟ ايام الدفعات السابقة يقولك اه انا عايز ادخل طب..هندسة..عايز ابقى ظابط..عالم..وكدة وصدق الفيلسوف الذى قال ماساتى فى هذا الزمان هى اننى لازلت افكر. هل فكرت لحظة لماذا لا تفكر..لقد وقف تفكير البعض عند أشياء لا علاقة لها بضروريات الحياة منذ مثلا عشر سنوات فقط..لماذا لا نعلن أن نفكر على الملا أولا وأخيرا ولا نستسلم لإحباطات القدر. لابد أن نعلن حالة من الفكر المدنى الذى كان ثم أصبح لا شىء بدلا من إعلان هزيمة وطن اسمه الفكر. عندما لا تجد الدولة موارد لتنمية اقتصادها القومى وعندما لا تستطيع أخذ كل مستحقاتها من رجال الأعمال فإن الحكومة تسارع جاهدة للاقتناص من الموظفين على طريقة (مقدرتش على الحمار تقدر على البردعة) والمنطق يقول إن الدولة تأخذ من المقتدر لتعطى غير المقتدر لكنه حق الدولة فلا يستطيع أحد أن يتكلم لأن البردعة ضعيفة شوية.
