طالبت جماهير الأهلي عبر مدرجات الفيس بوك في صفحة Yallakora.com الرسمية طالبت برحيل المعلق الرياضي محمود بكر عن قناة ناديهم الفضائية، بعد تحدثه في أمور سياسية خلال تعليقه على المباريات. وأيدت الأغلبية من الجماهير رحيل بكر، بينما رات مجموعة أخرى بقائه في القناة لما يضيفه من خفة ظل في التعليق على المباريات. وكان محمد ناجي (جدو) مهاجم الأهلي قد هاجم بكر بسبب انتقاده للاعبي الفريق الأحمر، فيما رفعت جماهير الأهلي لافتة ضد في مباراة سموحة الأخيرة تنتقد فيها توجهاته السياسية. يقول Amr Naguib في البداية "اعتراضي الوحيد عليه هو حديثة الدائم في السياسة والتطبيل لأى حد من أيام مبارك، نفسى يبطل ويخليه في الماتش وبس خصوصا انه أحسن معلق يقدر يقرا الماتش من اول 5 دقايق". Mohammed Zekralla أيضا قال "كل وقت وله آذان محمود بكر يبعد عن التعليق تماما ويبقي محلل رياضي لأنه يردد أسامي اللعيبه، وبعدين يدخلك في الشرطه والمرور والسلفيين والرئيس الجاي وهو قبل كده قالها في إعلان -أنا أحب أعيش مع نفسي. ويقول Hany Yousef "ياريت يرحل كفايه كلام عن الإسكندرية ومدير امن الإسكندرية في التعليق"، أما Mohammed Kh فعلق "محمود بكر من احسن الناس اللى تحلل المباريات.. اما التعليق لا". ورشح Salama Alhneeshy ميمي الشربيني بديلا لبكر – في حال رحيله - فيما رأى Mohamed Emad ان عصام عبده سيكون أفضل خليفة له. Âbd Êlhãmëd Cäpø قال "ياجماعه بيكون الكوره مع ابو تريكه يقول جونيور تكون مع عبد الله السعيد يقول جونيور دي الكوره بتكون مع شريف اكرامي يقول بررافو يا احمد ياعادل عبد المنعم.. ايه دا بيتفرج من ورا التلفزيون". واعترض Ahmed Eid على الاصوات السابقة قائلا "يعنى خلاص قتلوا القذافى وأسقطوا عكاشه.. عاوزين كمان يمشوا محمود بكر"، وأيدته Eman Nabile قائلا "لا ده زي العسل انا بتفرج علي الماتشات معاه علشان ارفه عن نفسي". Haytham Ahmed Gaber اتفق مع Eman Nabile "مفيش معلق أجمد من محمود بكر اليومين دول .. خصوصا مع حرقة الدم في الدوري المصري .. من الاخر بيهون على الواحد المباراة". Amr Ford قال "يا ناس دا راجل كبير وله احترامه.. واحد من ايام الزمن الجميل؟؟ وبعدين دا اخر واحد فى الناس القديمة يعنى مهما يقول او يتكلم له احترامه وتقديره.. طبعا انا ضد انه يرحل.. ولازم الكابتن المحترم جدو يعتذر لواحد زى جده". وفي النهاية، يبقى تعليق Adel Emam "ارحل ابوس مايكك".
