نشرت شبكة رصد الإخبارية المحسوبة على الجماعة الإرهابية، اليوم الأربعاء، تسريبًا ثانيا منسوبا للفريق أحمد شفيق مرشح الرئاسة السابق، يتحدث فيه عن المشير عبد الفتاح السيسي وزير الدفاع والإنتاج الحربي. وجاء نص التسريب كالتالى: "لأ طبعا انسحابهم مرهون بترشيح السيسي.. أنا قلت إيه لو نزل انتخابات مش حانزل". وأضاف شفيق: "مش مجرد ترشيحه.. يعني أول ما يترشح.. أنا حاعمل الورق بتاعي وحيبقى مرهون.. إذا هو حينزل.. لأني أعلم إن همه حيوضبوله كل الصناديق.. حيوضبوله الدنيا.. عملية حتبقى هزلية.. وهي من الأول خالص ما الجيش أعلن ترشيحه مكنش يعني.. أنا أعتقد إنه يمكن لو جاله ضغط يعني يخلي.. يعني يلفت نظر العالم ل.. إنه هو الواحد ما يترشحش مش حبا فيه.. لأ لأنه الميكانيزم مش حيمشي سليم". وقال شفيق: "إيه يواجه إيه.. اللي هي لو معركة حواجه.. إيه العبط اللي بيقولوه ده.. إيه الناس السطحية دي.. حاجة الدولة حتشتغل لحسابه.. الدولة حتشتغل لحسابه.. إيه المواجهة؟ المواجهة إنه أنا الشطارة إنه أخش وأجيب 10% وأطلع؟ الشطارة أخش وأجيب 8% وأطلع؟ إيه الشطارة في كده بقى؟ إذا كنت أنا عارف إيه اللي حيطلع.. إذا كانت مواجهتي حتعمل نتيجة ماشي لكن العملية ملعوب فيها ملعوب فيها كلها يبقى إيه بقى!.. لا يعني طبعا.. إيه الرجولة اللي فيها يعني؟ هي دي "فير فايت"؟ هل هي يعني معركة شريفة؟"