قالت الناشطة السياسية، نوارة نجم، اليوم السبت عبر "تويتر": "محمد حسين قرنى الشهير بمحمد كريستى.. حسبى الله ونعم الوكيل فيك يا مرسى". أضافت نوارة: "المهم إن محمد كان من ألتراس أهلاوى وكان من الخمسة الوحيدين اللى زعلان على بورسعيد وقعد على أكاونته يقول العسكر ما اتحاكموش". وتابعت: "ويوم الأربع اللى فات كتب يا رب خدنى بقى.. اشمعنى بقى؟ ما أنا بقالى سنتين باقول يا رب خدنى وما بياخدنيش وكتب وهو نازل يوم 25: أشهد أن لا إله إلا الله وأن محمدا رسول الله.. هم بيعرفوا إزاى؟ وليه مش بيقولوا لنا بوضوح؟ بيلمحوا لنا بس". وذكرت: "أيوه شكله مش بلطجى ولا مخرب.. هو مش بالفقر والغنا بالنفسية اللى باينة على الوش، حطوا صورة محمد جنب صورة الشاطر وشوفوا مين شكله مخرب وبلطجى، وكل شوية الإخوان يقولوا لنا المتظاهرين اللى هناك شكلهم شمال.. على أساس إن أنتوا اللى شكل هيو جرانت مثلا؟ مش يبصوا فى المراية قبل ما يعايبو؟". وذكرت "معلش أصل المصريين شكلهم وحش يا إخوان.. مش حلوين وبكروش زيكوا.. اتفضلوا روحوا احكموا لبنان.. إحنا ما نستاهلش جمالكوا"، مشيرة إلى أن "الراجل اللى اتسحل واتعذب ده أهله داخوا على ما لقوه.. لقوه عشان اتصور، كام واحد ما اتصورش وأهله عمرهم ما حيلاقوه؟".
