بيومي فؤاد، رد الفنان بيومي فؤاد، على المخرجة كاملة أبو ذكري بعد هجومها عليه بسبب أزمة محمد سلام وتصريحها "ميشرفنيش أكون زميلتك". عتاب كاملة أبو ذكري وقال بيومي فؤاد خلال لقائه ببرنامج "حبر سري" الذي تقدمه الإعلامية اسما إبراهيم بقناة "القاهرة والناس":"بعد هجوم كاملة أبو ذكري عليا متعاتبناش ولا اتكلمنا وكل واحد في حاله، ومفكرتش أقولها ليه قولتي عني كده".
وأضاف:"كاملة أبو ذكري مكتبتليش ايه اللي عملته ده يا بيومي علشان أكلمها، ولكنها شافت ومعجبهاش فقالت رأيها وقررت وهي حرة، ولم تترك مجال للعتاب، هي مخرجة كبيرة وأتمنى اشتغل معاها ومنساش في سجن النسا بعتت ليا المسلسل كله في البيت وقالت ليا في 3 أدوار رجال اختار الدور اللي يعجبك ولإن كان عندي مسلسلات كتير روحت لها واعتذرت لها فتقبلت الإعتذار وقلت لها وقتها روحي الله يسترك وهي صرحت قبل كده وقالت أنا واحدة من محبيه وجمهوره، ولما كتبت ميشرفنيش أكون زميلتك حقي عند ربنا سبحانه وتعالى ومش أنا اللي أصالحها وكل واحد هياخد حقه بإذن الله عند ربنا". تصوير مشاهد كوميدية لمحمد سلام وأشار:"محمد سلام بعد فيديو الأزمة بتاعت مسرحية السعودية نزل صور مسلسل الكبير، والتزم بعقوده ووعوده في الكبير في مقابل أنه مرحش السعودية". وأوضح: "لما بتحصل مشكلة مع محمد سلام بيكلموني أنا علشان أنا الكبير بتاعه وأبوه الروحي واسألوه على كده، ومحمد سلام كلمني في وقت متأخر ليلة السفر للسعودية، فسألته خير يا ابن الذين لإني انا متعود معاها يا إما خناقة على الفلوس أو الأفيش فقال لي أنا مش قادر في ظل اللي بيحصل في غزة والأطفال اللي بتتدبح وتموت، قلت له لا إله إلا الله يا ابني وإحنا بإيدينا ايه، وأنا والله مفيش صلاة بصليها إلا وبدعي ليهم قبل ما ادعي لأولادي وربنا يحرق كل اللي واقفين مع الصهاينة ويخلصنا منهم على خير، ولكن يا ابني ده أكل عيش وفيه ناس كتير بيوتهم مفتوحة وقعدنا 12 دقيقة في المكالمة وفي اآخر المكالمة قلت له ترشح لنا مين قاللي خد أي حد من مسرح مصر دول قرود وبيحفظوا بسرعة وهينفعوكم. قفلت المكالمة مع سلام، كلمت منتج المسرحية وقلت له الواد اعتذر وكلموا أوس أوس، وقتها المنتج نصار شتم وقال يعتذر ولا ميعتذرش مش ده المهم قول له يرفع الفيديو حالا ده الدنيا والعة وعلى ما بعتلي الفيديو جالي 6 تليفونات من زملاء شوفت الواد عمل ايه ألحق وأنا الأب الروحي بتاعه والمرجعية".
فيديو أزمة محمد سلام وأكمل بيومى فؤاد:"لما شوفت فيديو محمد سلام، كلمته وقلت له ارفع الفيديو ده طالما أنت مش عايز تطلع المسرحية، فقال لي لأول مرة هقولك أنا اسف والله مخدش معايا 30 ثانية قلت له براحتك تصبح علي خير يا ابني وسافرنا وحصل اللي حصل، أقسم بالله العظيم تلاتة أنا كان ليا 5 مسرحيات في المملكة وفيه نجوم صف أول قالولي إحنا اللي بنصرف علي بيوتنا وأهالينا والفلوس دي اللي بتفرق معايا، وفيه مساعدين إخراج كانوا بيحضنوا محمد أنور ويعيطوا لإن المسرحية مكنتش طالعة، ومن وقت الأزمة مكلمتش محمد سلام خالص". بيومي فؤاد: مراتي عملت كنترول علي وبقت تنزل معاي الشغل وهذه نصيحة الزعيم عادل إمام لي زوجة بيومي فؤاد عن علاقتها به: بنعاني منه ومتناقض طول الوقت وشغله أوفر شوية مسلسل الكبير أوي وشرط بيومي فؤاد وتابع:"طلب من القائمين على مسلسل الكبير أوي إني أنا ومحمد سلام منتقابلش، وقلت لهم يا اعتذر عن المسلسل وارجع كل اللي أخدته من فلوس ولو فيه شرط جزائي ادفعه يا منتقابلش، واللي فهمته أن تم إعادة كتابة الحلقات علشان ينفذوا رغبتي، وأحمد مكي حاول يجمع ما بينا ويصالحنا فرفضت، وهي مش هتخلص إلا عند الله، المشكلة مش بيني وبين سلام ولكن أكبر من كده، بس أن يتسبب فيما حدث وميطلعش يدافع عن محمد أنور، أنا اتبهدلت وعشت أصعب 5 أيام في حياتي أنا وأولادي دفاعا عن محمد أنور".
خوف محمد أنور وأكد:"وقت الأزمة محمد أنور كان مكتئب وخايف يرجع بلده مصر وطلب مني أي دور في مسرحية أكرم حسني علشان خايف يرجع بلده مصر، كان خايف على ولاده، وقال لي لو مفيش دور خليني مساعد مخرج بس مرجعش أنا خايف وخايف على أولادي، للي اتعرضنا له؟ عملنا ايه؟". ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
