رد بيتر ميمي مخرج مسلسل الحشاشين عبر حسابه الشخصي على موقع التواصل الاجتماعي "فيس بوك" على الانتقادات التي وجهت للمسلسل بعد عرض أول 4 حلقات منه ضمن موسم دراما رمضان الجاري. بيتر ميمي يرد على انتقادات مسلسل الحشاشين وكتب بيتر ميمي قائلا: "طيب كل سنة وأنتم طيبين.. مع إنى مكنتش حابب أتكلم علشان دول كلهم 4 حلقات مبدأيا المسلسل من وحي التاريخ وده مكتوب نصا في التترات يعنى مش وثيقة تاريخية لكنه دراما تاريخية". عمل من وحي التاريخ وتابع: "هو المخرج العالمي تارنتينو لما قتل هتلر في السينما كان حقيقة؟ أو نابليون في فيلم ريدلى سكوت الأخير هل ده نابليون اللى فى كتب التاريخ؟ ديه دراما تاريخية.. حاولنا نعمل خيال لفترة من الفترات لكن فى شكل درامي.. لكن رجعنا فى الديكور والملابس لمراجع كتيرة ونادرة علشان نعمل عالم مشوفنهوش قبل كده وميكنش شبه أفلام أو مسلسلات عالمية". حقيقة حسن الصباح وأضاف: "هل ده حسن الصباح؟ مفيش كتاب اتفق على حسن الصباح لأن المغول حرقوا القلعة وكتبه وأفكاره والموجود اجتهاد... ماركو بولو أو فلادمير بارتول أو برنارد لويس أو فرهاد دفترى... وكتير جدا.. حسن الصباح كان بيعمل معجزات؟ لا طبعا!!! وده تباعًا مع الحلقات هيتفهم". الحديث بالعامية المصرية وأردف قائلا: "الحشاشين مسلسل تاريخي بالعامية المصرية.. الأحداث بين أتراك وفرس.. لما عملوه الأتراك اتكلموا تركي ولما عملوه الأمريكان بيتكلموا إنجليزى.. إحنا عاملينه فى مصر والترجمة موجودة فى كل بلد.. المسلسل بيتعرض فى روسيا وأمريكا وأكتر من بلد كل بلد بلغتها..هم الڤيكنجز كانوا بيتكلموا إنجليزى؟ ولا ويليام والاس كان بيتكلم اللكنة الأمريكية". لماذا حسن الصباح وتابع: "ليه حسن الصباح؟ حسن الصباح شخصية فذة وغريبة ومستفزة إنك تعرف عنها.. مش لازم يكون رمز للخير علشان يتعمله مسلسل.. هتلر وراسبوتين كانوا فى منتهى الشر لكنهم شخصيات فذة غيرت العالم.. أو على مستوانا المصري خط الصعيد أو سفاح إسكندرية". الرد على الانتقادات وعلق بيتر ميمي على بعض الانتقادات التي وجهت للعمل قائلا: "حاجات صغيرة.. أم الخليفة رصد كانت نوبية الأصل.. إسكندرية مدينة فى مصر.. لأن فى مدن كتير باسم إسكندرية حوالين العالم.. لزم التوضيح للترجمة لأن فيه غير مصريين بيتفرجوا على المسلسل.. مجاعة القاهرة الفاطمية مثبوتة تاريخيا لكن تعددت أشكالها حسب المصادر وهى على فكرة كانت قبل وصول حسن بفترة مش بعيدة بس ديه دراما (من وحي التاريخ)". حقيقة معجزات حسن الصباح وتابع: "ما تسمى بمعجزات حسن الصباح مقصود تتصور بالشكل ده وده هيبان تباعا وخصوصا مشهد الراوي حلقة 8.. عم ملك شاه اتقتل بوتر القوس لأن ده كان عرف وتقليد.. مين الست اللى بتظهر لحسن الصباح؟ ده في حلقة 30 بقى لو ربنا ادانا عمر.. واختتم قائلا: "كل سنة وأنتم طيبين وسعيد ان المسلسل خلاكم تقروا وتسألوا.. وشوية شوية هتفهموا المسلسل.. صحصحوا معانا كده يا شباب خلونا نعمل شكل جديد.. وتبقى بداية ومع الوقت يتعمل افضل واكبر واحسن من اللى احنا عاملينه.. ومع الوقت ننافس ". خالد يوسف يدافع عن مسلسل الحشاشين: لم يتحدث الناس بالفصحى في أي عصر والرسول نفسه لم يتكلم بها الحشاشين الحلقة 4، نظام الملك يستخدم حسن الصباح في مراقبة الباطنية والأخير يستغل مكانته ونقدم لكم من خلال موقع "فيتو"، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري ل أخبار الفن والعديد من الأنشطة الثقافية والأدبية.
