تاريخ مصر يشبه مباراة كرة قدم شارك فيها رؤساء مصر وانتهت بوصول الكرة للفريق السيسي، فماذا فعل مرسي؟.. المدون الشهير أحمد الصباغ تخيل المباراة، وقال في بوست لاقى إعجاب الكثير من الشباب: فاروق اتكعبل، وأخدها ناصر وماشي بالكورة.. ماشي كويس.. وياااه دخل عليه عامر وناصر وقع.. والكورة راحت للسادات بيلم وماشي حريف يا سادات.. وياااااه مجموعة من الجمهور بجلاليب بيضا ودقون بيحدفوه بالطوب.. وقع السادات.. والكورة راحت لمبارك.. ماشي مبارك وعدى نص الملعب.. ومش ممكن سوزان نزلت على الخط وبتنادي عليه.. مبارك ساب الملعب وراحلها والجمهور زعلان وبيقول اييييييه.. الجمهور ابتدا يحدف طوب على مبارك وسوزان والمدرب خرجهم بره.. مرسي بيسخن ونزل مكان مبارك.. نزل مرسي والكورة وصلتله.. مرسي واقف ما بيتحركش.. زمايله بيقولوا له العب ومرسي واقف وبيسأل مساعد الحكم هو فيه إيه؟.. اللعيبة هتتجنن والجمهور بيشتم ومرسي لسه واقف.. وفجأة مرسي مسك الكورة بإيديه وطلع يجري واللعيبة بتجري وراه.. لحقه السيسي وقاله: إيه إللي إنت بتهببه ده؟ مرسي: إيه يا عم ادونا فرصتنا بقى السيسي: يا عم ما ينفعش تلمس الكورة بإيدك مرسي: ليه هو مش ده ماطش سلة؟! السيسي: غور ياض.