كشف الفنان محمد فؤاد، حقيقة هجوم علي الفنان محمد هنيدي، مؤكدًا: "هو حقق نجومية اكتر مني في السينما ودي حقيقة ومهاجمتش حد ولا غيرت منه". حقيقة غيرة محمد فؤاد من هنيدي ورد محمد فؤاد، على تصريحات تليفزيونية سابقة لمحمد هنيدي يتهمه بالغيرة منه، قائلا: "انا مبغيرش من حد ومتوجدش اللي انا اغير منه، اغير من هنيدي ازاي واجيبه فيلم، انفسن منه ازاي وانا اللى جايبه معايا في فيلم اسماعيلية رايح جاي".
وأضاف خلال الجزء الثاني من لقائه ببرنامج "العرافة" الذي تقدمه بسمة وهبة بقناة "النهار":"اللي بيغير من صحابه ده يبقى عنده نقص".
حقيقة هجوم محمد فؤاد على هنيدي ولفت: "والله ما هاجمت محمد هنيدي، انا كرهت فيلم اسماعيلية رايح جاي، لأنه خلق حالة من الكره بين الأبطال وفي الساحة الفنية كلها ولقيت فيه حروب نجوم، ومين اللى ينتجوا له ومين اللى يقعدوه في البيت، ولما عملت الفيلم كنت بلم اصحابي علشان نفتح السينما لينا كلنا".
محمد فؤاد يوجه رسالة قوية لهنيدي وتابع محمد فؤاد:"أي حد وصل لهنيدي اني بغير منه يبقى عبيط، اجيبك ازاي معايا في فيلم وانا اللى كاتب له يضحك الناس ازاي، انا محب له وعايز يضحك، ازاي يطلع يسوق علي اني انا بغير منه هو انا محتاج السينما علشان اغير منه، ايه الهبل اللي احنا فيه ده، اتقى الله يا هنيدي عيب عليك متسوقش لإني انا بغير منك هو انا جايبك فيلم معايا علشان تفشل وفرجة للناس ومتشتغلش تاني انا جيبتك علشان تنجح وتشرفني وتعمل فيلم بطولة لوحدة، ايه المقاييس العبيطة اللى الناس بقت بتفكر فيها".
وأكمل:"قسما برب العزة انا بحب هنيدي ولا عمري ما اعرف اغير منه عنده ايه مش عندي، انا فتحتلك طريق وقبلها كنت بتعمل مشهدين وشيلت من كلامي علشان اوسع له الدور، وغيرت الكلام بتاعي في المشهد واديه لهنيدي علشان هو يجيب جون وقادر يضحك الناس اكتر مني". ولفت:"اسألو احمد حلمي اشتغل معايا في رحلة حب، وعمري ما زعلته لا جوا الفيلم ولا بره الفيلم وهو قاللى والله لو اخويا مش هيعمل معايا زي اللى انت عملته". محمد فؤاد يهدد طارق الشناوي بالسجن بسبب "سيد قشطة" (فيديو) محمد فؤاد يفجر مفاجأة عن مقلب رامز جلال ويكذب الطبيب المعالج له (فيديو) حزن محمد فؤاد من تصريح هنيدي واستطرد:"انا مش عارف اشتغل ازاي؟ ايه الجو المسمم ده؟ ويطلع منك يا هنيدي وتعطي ايحاء اني بغير منك يا راجل راعي العيش والملح وتعبي معاك في الفيلم ده انا كنت بصحيك من النوم علشان تيجي تمثل وابتديت تلتزم علشان انا زعلان منك لإني كنت بدفع من جيبي ومش انا المنتج ومأخدتش الا 60 ألف جنيه بوسايط وانا دافع حوالي 500 ألف جنيه وكنت بصرف علي المنتجين اللى فلسوا وأحمد البيه عايش وموجود وكان بياخد الفلوس مني ويروح يوديها بيوت الفنانين، انا هنفجر من المناخ المسمم ده صعبان عليا الحالة العامة".
نقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
