تشارك الفنانة جيهان خليل في بطولة مسلسل سوشيال الذي من المقرر عرضه خلال الفترة المقبلة على أحد المنصات الإلكترونية. مسلسل "سوشيال" يضم نخبة كبيرة من الفنانين من أبرزهم النجم أحمد زاهر وعابد عناني وجيهان خليل وفرح الزاهد ومطرب الراب شاهين وغيرهم. وكشف جيهان خليل تفاصيل مشاركتها في مسلسل سوشيال في تصريح خاص لفيتو قائلا:" أنا أجسد شخصية مريم وهي إعلامية ناجحة تعيش مع طفلها وغائلتها حياة سعيدة حتي تأتي أضرار السوشيال ميديا عليها، وتؤثر علي حياتها الشخصية من جميع النواحي.
أحمد زاهر وكشف أحمد زاهر تفاصيل مسلسله الجديد "سوشيال" قائلًا: "أنا بجسد شخصية شهاب الدريني الصحفي بقسم الحوادث وهنشوف حكايته مع مخاطر السوشيال ميديا من خلال الأحداث والمسلسل بيتكلم علي مخاطر السوشيال علي الناس العادية مش المشاهير وأقرب حاجة مدرسة الدقهلية".
معلمة الدقهلية وتحدث "زاهر" عن معلمة الدقهلية التي عانت من مخاطر السوشيال ميديا بعد تصويرها وهي ترقص أثناء تواجدها في إحدى الرحلات، وقال: "أنا شايف أنها اتظلمت ظلم بيِّن وهي مش غلطانة أصلًا عادية دي واحدة عادية وحياتها اتدمرت كلها بسبب السوشيال ميديا اللي بتعتبر سلاح ذي حدين في إيجابيات كتير جدًّا وفي حب وفي دعم وفي نفس الوقت فيها سلبيات اللي هم مجموعة من الأشخاص مورهمش أي حاجة غير أنهم يؤذوا الناس ولغاية وقتنا هذا مفيش حكم شديد عليهم وأنا من خلال المسلسل بخاطب الفئة دي". وأكمل "زاهر": أنا اتعرضت للانتقادات على السوشيال ميديا وأنا مبعملش أي حاجة بس مش ده الدافع الحقيقي وراء تقديمي للمسلسل ولكن الدافع هو إذية الناس بسبب السوشيال ميديا.
عابد عناني وكشف عابد عناني تفاصيل مسلسل "سوشيال" لفيتو قائلا:" إحنا بنعمل حدوتة بدور في كواليس الناس اللي بتلعب بالسوشيال ميدياء سواء اليوتيوبر أو البلوجر وغيرهم دلوقتي بقت شغلانة والمسلسل في إطار الغموض والإثارة والتشويق ويارب يعجب الناس". أحمد هشام منصور يكشف تفاصيل شخصيته أمام أحمد زاهر في فيلم فارس أخدت 4 غرز.. عابد عناني يكشف تفاصيل إصابته في فيلم "فارس" |فيديو شخصية عابد عناني في مسلسل سوشيال وتحدث عابد عناني عن شخصيته في مسلسل سوشيال قائلا:" أنا بجسد شخصية "طارق" هو مسئول عن الشركة اللي اسمها "سوشيال" هو اللي بيدعم الموهبين وهو المصور الي بيصور "المتريل" بتاعتهم.
