لما القضاة تشتكى .. الناس حتعمل إيه من اللى شايفينه دايماً .. واللى عايشين فيه ما تفهمونى الحكاية .. أصلى مش فاهم الصح فين .. والغلط .. متفهمونى عليه بالذمة مش معضلة إن القضاة تشكى طيب أنا أعمل إيه .. ما تخلنيش أحكى أنا باشوف كل يوم حاجات ما تتقلشى لو قلتها كل واحد فيكو راح يبكى القاضى فى كلمته العدل والإنصاف وكلنا نقدره ونشيله ع الأكتاف لأنه هو الحكم بينا فى كل مكان والقاضى لو يشتكى الناس ضرورى تخاف حتقول لى إيه .. وللا أقول لك إيه يافندينا دا كل يوم ألتقى كرابيج بتكوينا.. وشكوى من دا .. ودا .. والكل بيطالب ولا حد سامع لنا .. والنار بتكوينا.. عايزين مصارحة ما بين حاكم وبين محكوم ووضوح بكل اتجاه ظاهر ما بين القوم وبلاش بقى كل حبة نشتكى ونقول مين اللى فينا غلط .. د كلام مفيش له لزوم وآدى إحنا صابرين وبكرة كل شىء حيبان ونشوف حكاية القضاة .. وغيرها برضه كمان د مصر مش ناقصة بعد الثورة تانى نثور وكل حبة يا خلق يبنفجر بركان