ما تفْهَّمْني يا نور العين أنت واخدنا ورايح فين كل شوية طالع نازل لما غرقنا إحنا الاتنين هو مافيش قدامك سكة غير رمْيتنا في وسط العكة وامَّا نقول لك إحنا تعبنا كل شوية تشُكُنا شكة عايزين خُطة نمشي عليها عارفين رأسها من رجليها مش تصاريح وكلام في كلام وإحنا في ورطة وعايشين فيها كل يومين نازلين في فتاوي رايحة وجاية وجايبة بلاوي لما بقينا في كوسة وحوسة وإنت شايفنا كأنك غاوي خليك فاكر بس كلامي بُكْرَة حافرقع من إعدامي والشلاليت نازلين وأنا ساكت م اللي أنا شايفه كتير قُدَّامي هو أنا حافْضَل أقول وأعيد واللي بأشوفه يوماتي يزيد والتصاريح في الناس بتصيح واللي أنا شايفه مافيش فيه جديد