تضرب شلوت.. حأضرب شلوت واللى مابينا مش حيفوت والشلاليت مش حتوصلنا.. فبلاش ضرب أحسن حنموت بص لفوق صحصح ياكبير إنت فى موقف جد خطير واللى بناه الشعب المصرى مش ممكن يغطس فى البير قول لى ياريس رايحين فين عجبك كده؟ الناس تايهين كل شوية الهيصة قوية إيه ده ياعالم مش فاهمين هى الثورة هتاف فى هتاف؟ وللا تشابك ناس وخلاف؟ ما تفهمنا ليه نتعارك؟ ليه من قول الحق نخاف؟ مرة فى مرة الناس حتثور واللى ظالمها فى يوم حيغور مانتش شايف اللى بيحصل؟ واللى ما بين الناس بيدور أنا نبهت كتير وكتير ومافيش فايدة السر فى بير وحتسألنى إيه أنا شايفه اللى أنا شايفه بجد خطير