مابقتش أسمع غير كلام من كل مسئول فى النظام وراح أعمل إيه.. وأسوى إيه طول ما الجميع بيقول تمام قاعدين بنسمع فى الخطب والتصريحات كلام كتير بنصدقه ومافيش حاجات هى الخطب فى الناس حتبقى غير كلام والمعترض يفارقنا رافض من سكات يا فرحتى فيه ثورة قامت.. بس فين؟ حق الغلابة اللى عايشين محرومين وكل يوم مسئول يقول فيه عيش وفول هو إنتوا عايزين إيه كمان يا مفجوعين بالذمة قول لى بقي.. الثورة قامت ليه؟ طول ما إحنا لسه فى القرف وغرقنا فيه غلبنا من كتر الكلام والالتزام ولحد إمتى والنبي.. نصبر عليه؟ ورجعنا تانى نفتكر أيام زمان ونقول ياثورة إنت فين.. والفجر بان واللى مش قادر يقول.. ألفين سلام ماتفهموا إيه الحكاية.. واللا يعنى نقول كمان الكلام ده مش مهاجمة.. ده سؤال محتاج جواب وللا حافضل لابس الجزمة كده من غير شراب وأمشى حافى لحد إمتى فهموني..؟ نفسى مرة يامصر ما تعيشى فى خراب