أحيا نشطاء "تويتر" الذكرى ال"13" لوفاة صالح سليم رئيس النادى الأهلى الأسبق، بتدشين هاشتاج "لو كان المايسترو عايش"، تذكروا فيه مواقف المايسترو، كما يطلقون عليه، مؤكدين أنه لو ظل حيا حتى الآن لما فكر كثيرون في التطلع لتولي رئاسة النادي. الله يرحمه قالت أميرة خالد: "لو المايسترو عايش ماكنش زمان حد قدر يتكلم على الأهلي نص كلمة الله يرحمه" وأضاف القرصان موني: "كان الجمهور هيبقى ليه كابو في مجلس الإدارة التشجيع هيبدأ من جوه المجلس الكورة للجماهير.. لو المايسترو عايش" عايش فى الجنة وتابع محمود هيتا فوريفر: "هذا النادى ملك لمن صنعوه ومن صنعوه هم مشجعوه، صالح سليم المايسترو عايش فى الجنة يا قائدنا". وقال حسن مصطفى: "لو المايسترو عايش مكنش هيجرؤ واحد زي مرتضى منصور يقول كلمة ع الأهلي". وقال يحيى مطر شافي: "لو المايسترو عايش كان مات". وتابع بيسو: "لو المايسترو عايش مكنش هيحصل الهري الكروي اللي بقينا فيه دلوقت.. مكنش رئيس نادي يشتم رئيس نادي تاني.. مكنش اتعمل بند ال8 سنوات وبعدين يتلغي". المبادئ أهم من البطولات وأضاف أحمد طنطاوي: "لو المايسترو عايش كان هيفهم الناس إن الأهم من البطولات مبادئ الكيان". وتابع إسماعيل سيد: "ماكانوش فكروا يجيبوا مدرب ساب النادي وهرب قبل كده لو المايسترو عايش". وقالت إسراء سعيد: "لو المايسترو عايش كان هيموت لأن إحنا الآن فى زمن ال... يتحدثون عن الشرف واللصوص يتحدثون عن الأمانة والزمالك يتحدث عن البطولات". وقال محمد محمود: "هو كويس من الناحية الإدارية والفنية للنادي...". مكناش هنشوف جاريدو وتابعت سلوى: "لو المايسترو عايش مش كنا هنشوف جاريدو". وقال محمد الجفراوي: "المايسترو، انت الأب الروحي للأهلى". مكنش محمود طاهر رئيس النادى وقالت سيلا : "لو المايسترو عايش مكنش محمود طاهر اتشرف بالجلوس على مقعد رئيس النادى الأهلى ولا فى منامه". مكنش مات 74 مشجع وقالت ندى منتصر: "لو المايسترو عايش كان 74 شهيد عايشين.. طبعا الأعمار بيد الله". وأضاف حمادة بالجنزبيل: "لو المايسترو عايش محمود طاهر واللى زيه مكانوش هيفكروا يبصوا لرئاسة الأهلى!!" وأضافت نوجا: "لو المايسترو عايش كان زمانا عمالين نقر عليه زي ما عملنا على صباح وقلنا هو مامتش ليه لحد دلوقتي". وقال محمود أبو العينين: "لو المايسترو عايش مكنش هيبقى في مجلس إدارة مش مهتم بفريق الكورة بالشكل ده.. مكنش في حد قدر يهدد جمهور الأهلي في المدرجات".
