فيه مشهد ساخر حيرنا فى محاكمة قتلة ثوارنا مساجين بشوات .. لابسة تشيرتات والنبى يا رب تصبرنا ............. البيه جاى راكب طيارة خارج من قفصه بنضارة ومعاه زغاليله وحشاكيله والناس تستغرب فى الحارة .............. قال إيه .. البيه أصبح عيان مدد فى سريره عامل تعبان طيب خلوه يرجع وسيبوه راح يبقى سليم ولا ألف حصان ................. هما محاكمتهم فايف ستار أما احنا الكرشة مع المنبار أنا عقلى خلاص مش فاهم .. لاص وللا أنا بقى مخى دا مخ حمار .................. ياما شفنا كتير فى محاكمتهم تيجى المساجين فى كلابشاتهم ليه هما قيودهم منشالة وللا البشوات قلبوا الحالة بقوا فافى يا ناس فى معاملتهم ............... شايفين القتلة الحرامية لابسين البدل المكوية بقى دا اسمه كلام .. والله حرام ولا فى الأفلام الكوميدية