انتقد الفنان محمد صبحي، المرشح الرئاسي حمدين صباحي، لمطالبته المشير عبدالفتاح السيسي بالإعلان عن برنامجه الانتخابي. وقال «صبحي»، في مداخلة هاتفية لبرنامج «باختصار»، على قناة «المحور»، مساء أمس الإثنين، مع الدكتور معتز عبدالفتاح: «الأخ صباحي الناس تعرف إنه وطني، لكن مينفعش أكعبل اللي جنبي أو ألوثه، علشان أصنع نجاحا، أنا عايز أشوفك انت هتقول ايه؟ هنقعد نتكلم ونقول برنامج السيسي، برنامج السيسي فين؟، بصراحة لا النخبة ولا المثقفين هيقرأوا برنامج، مش هنضحك على بعض، إحنا بنوصل للبسطاء عن طريق الشاشة، قولي بس رؤيتك للقادم إيه؟». وأضاف: «مش عايزين نختار بعاطفتنا، عايزين نختار بعقلنا، من لديه القدرة لتنفيذ ما يقول، أنا أقدر أقولك أحلام الدنيا، أقدر أقولك برنامج عبقري لمصر، ولكن الأذان بتحب تسمع الأحلام، المرشح بعد ما يكون رئيس الناس هتقوله عملت إيه؟ مش هتقوله برنامجك إيه؟».