قال الرئيس عبد الفتاح السيسي، إن لا يخشى أي تهديد خارجي، مضيفا: "محدش يقرب من أرضنا، الموضوع مش بالكلام، مفيش أي تهديد خارجي تخافوا منه". وأضاف السيسي، خلال كلمته بافتتاح مشروعات قناة السويس، اليوم السبت: "كلامي قليل بس مبخافش غير من حاجة واحدة، منكم أنتوا يا مصريين، لازم تبقوا أيد واحدة وإحنا نتحدى الدنيا كلها، لأننا مش أشرار ولا متأمرين، ولا بنطمع في خير وأموال وأراضي حد، إحنا بنطمع في كرم ربنا يساعدنا نعمر، وهنفضل نبني ونعمر". وأضاف السيسي: "مش هقول سر ولا حاجة، بس في تكليف لوزارة الإسكان لمشروع قومي تخطيط عمراني متكامل، وبقول برضه إن كلامي قليل، بس المشروع ده هيتعمل في سنتين سواء أنا موجود ولالا الشغل مش بيقف على حد غير شعب مصر، إحنا بنخطط وبنفذ". وذكر: "الدفاع عن الأرض مش بالكلام، ده عرق وجهد وتضحية ودم، وإحنا كمصريين قدمنا تضحيات كتير، فيا ريت تطمنوا ربنا بيساعد الصالحين اللي بيبنوا ومبيهدوش، وإحنا ولا بنخرب ولا بنضيع".