قال الإعلامي عمرو أديب إن اللواء أركان حرب أحمد، قائد الجيش الثاني الميداني سابقا، ورئيس هيئة تدريب القوات المسلحة حاليا، حكى له ما يحدث في سيناء، مشيرا إلى أن الدولة لا تشرح الأوضاع بكل صراحة حول الحرب الدائرة هناك، خوفا على الشعب وإحساس منها على عدم قدرته على التحمل. وأضاف أديب، خلال برنامج "كل يوم" على قناة "on e" اليوم السبت: "وصفي قال لي الإرهابين معاهم أحدث الأسلحة مش موجودة مع ولادي، إحنا ساعات بنداهم عشة نلاقي فيها مليون دولار، وفي كتير منهم مش مصريين". وتابع: "الدولة بتخبي ومش بتقول الحقيقة عشان متضاقش الشعب ومش بتوضح حجم السلاح في سيناء، الإدارة مش بتقول الوضع عشان عند الدولة إحساس إن الشعب ضعيف ومش يستحمل لما يعرف". واستطرد: "لأ قل لنا الوضع بالظبط، بدل التفاهة اللي إحنا فيها نعرف الوضع وإحنا نساعدك، إحنا كإعلام إدينا مادة عن اللي بيحصل في سينا، خلينا نعش معاكي وإحنا ننقل الصورة، إحنا وقفنا معاكم في حاجات أصعب من كده، المصريين مش عيال".