قال الإعلامي أحمد موسى، اليوم الإثنين، إن حصول الطالبة أميرة إبراهيم عراقي، نجلة القيادي الإخواني، على المركز الأول مكرر في الثانوية العامة؛ بمثابة شهادة للدولة المصرية، موجهًا الشكر للدكتور الهلالي الشربيني، وزير التربية والتعليم. أضاف موسى، خلال تقديمه برنامج «على مسئوليتي»، عبر فضائية «صدى البلد»، «في كمان أكتر من ولد من الإرهابيين دول طلِع من الأوائل، وده يدل إن الدولة ما أخدتش العاطل بالباطل، ماعملناش زي تركيا اللي بتعتقل التلاميذ، الدولة لم تُعاقب أولاد الإخوان، والعقاب فقط على من ارتكب جُرمًا.. إحنا بنراعي ربنا». وهاجم «موسى» الطالبة «أميرة»، قائلًا: «دي مش بنتنا، أبوها إرهابي مجرم، واستضافها واحد من المعاتيه على قناة إخوانية، طلعت شتمت وهاجمت وبتاع، الأميرة بجد اللي أبوها شهيد مات في رفح وهو بيحمي بلدنا، أميرة بنت الإخواني أكيد تعرف إن جماعتها هي اللي قتلت الشهيد في رفح، دي من شجرة جماعة الإخوان، وكل أبناء الشجرة دي إرهابيين». تابع: «أبوكي في السجن عشان مجرم، ولو في تركيا كان زمانه اتعدم، كويس إنك بتشوفيه لسه وبتروحي تزوريه، وإحنا أميرتنا اللي بجد هما أولاد الشهداء اللي في الجنة بإذن الله، لكن إنتي العار ليكي، والعار لكل من ينتمي للجماعة الإرهابية، والفخر لنا ولأبنائنا، خسارة والله إننا سمحنا للناس دي تتعلم».