وضّح الفنان أحمد حلمي على صفحته الشخصية عبر موقع التواصل الاجتماعي فيسبوك، اليوم الإثنين، سبب نشره صورة لسيارته القديمة التي من طراز "Mini morris" والتي تفهمها البعض أنها رسالة موجّهة للفنان محمد رمضان بسبب تداوله صورة لسيارتيه "لامبورجيني" و "رولز رويس". وقال حلمي: "توضيح بسيط وسريع بخصوص ما حدث بعد نشر الصوره بتاعتي وانا راكب العربيه الميني القديمه اللي كانت معايا في فيلم ظرف طارق.. واللي الناس فهمت أنها بغرض إني بوجهه رساله لزميلي الفنان محمد رمضان وهذا ما احزني كثيرا". وأضاف: "يا جماعه أنا لو عايز أوجه رسالة لأي حد أعرفه كويس أو حتى معرفوش مش هاعمل كده على مواقع التواصل الاجتماعي.. لأني عمري ما عملت كده أبدا لأني ببساطه ممكن ابعتله رساله على موبياله أو هاكلمه في التليفون". وتابع حلمي: "أما الكلام اللي كان مكتوب تحت الصوره اللي كتير من الناس معرفش ازاي بجد فسروه بالطريقه دي مع أنه فعلا مايخصش حد خالص غير واحد صاحبي هو الوحيد اللي هايفهمه لأني قايله بسبب موقف طريف حصل معانا وليه علاقه بالعربيه الميني.. علشان كده نهيت الكلام المكتوب ب«ده كلام في سرك.... ششش»". ووجّه كلمة لمحمد رمضان قائلاً: "زميلي العزيز محمد رمضان.. ربنا معاك ويوفقك دايما وتحقق كل اللي نفسك فيه في حياتك الفنيه".