"الفقر".. كلمة مكونة من 5 أحرف، تختبئ وراءها حكايات كثيرة، بطلها أطفال في عمر الزهور، حُرموا من الحياة الكريمة، والتعليم الجيد. التحق الشقيقان "فايزة ومصطفى"، بإحدى مدارس كفر الشيخ الابتدائية، لكنهما يعملان في مهنة جمع القمامة من الشوارع؛ لمساعدة والدهما، واستكمال دراستهما. يقول مصطفى صاحب ال11 عامًا، "أنا تلميذ في الصف السادس الابتدائي، أعمل في جمع القمامة بعد المدرسة، لكي أساعد والدي الذي لا يمتلك سوى عمله في مهنة الخردة، وتوفير لقمة العيش لأشقائي". "نفسي أتعلم كويس علشان أكون دكتورة وأعالج الناس، بس أوقات كتيرة مبيبقاش معايا فلوس أدفع حق الدروس".. توضح الطفلة ذات ال9 أعوام، أنها طالبة بالصف الرابع الابتدائي، تعاون شقيقها في جمع القمامة من الشوارع لتساعد والدها. وتوضح "فايزة" :"مش بروح المدرسة علشان بحس إن أصحابي أحسن مني، وعندهم حاجات كتير مش عندي"، متمنية: "نفسي ألعب وأشتري لعب كتير زي أصحابي في المدرسة، بس مش معايا فلوس، وأنا بشتغل مع أخويا علشان نقدر نجيب أكل". ووجه الطفلان رسالة إلى الرئيس عبد الفتاح السيسي: "إحنا بنتفرج عليك في التليفزيون، وأنت بتقول أنا بهتم بالغلابة، طيب ياريس إحنا أغلب مننا مفيش، ومش لاقيين نأكل، ونفسنا تهتم بينا".