بكى الإعلامي عزمي مجاهد، مدير المركز الإعلامي لاتحاد الكرة، مساء الثلاثاء، خلال حديثه عما أسماه ب"مؤامرة نشطاء السبوبة ومحاولات هدم وزارة الداخلية"، قائلًا: "حسبي الله ونعم والوكيل". قال مجاهد، في برنامجه "الملف"، عبر فضائية "العاصمة": "من يُنكر دور وزارة الداخلية جاحد، الناس دول همّا اللي بيدافعوا عنّا، دول ضحوا وبيضحوا عشانا، وصدقوني مش هيحصل إن الداخلية تقع، الشعب وراء الشرطة، راجعين تاني تتكلموا عن الشرطة، والله ما هيحصل، في كل موقع في مصر الكويس والوحش"، في إشارة منه للحديث عن تجاوزات بعض أفراد الشرطة. أضاف مجاهد: "اللي بيغلطوا في الشرطة يتعدّوا على الأصابع، والناس دي عايزين يهدّوا الداخلية تاني والله مش هيحصل، إيه الكفر ده، ملعون أبو اللي باع مصر، واللي أهان مصر، واللي عايز يهدم الداخلية، الشرطة تعمل إيه ولا إيه.. أيوه أنا عبد بيادة وافتخر".