انتقد الإعلامي سيد علي، اليوم الأحد، تجاوزات بعض أفراد الشرطة تجاه المواطنين، قائلًا: «أنا عاتب على أداء عدد من صغار الضباط»، وأكد أنهم أقلية، مشددًا على ضرورة اتخاذ موقف واضح ضدهم. وأضاف علي، خلال برنامجه «حضرة المواطن»، عبر فضائية «العاصمة»، «هو إحنا محتاجين مصيبة، ولا محتاجين إن البلد تولع، ولا محتاجين إننا نعيد سيناريو 25 زفت تاني، وبعدين نقول يا ريت اللي جرى ما كان، هو إحنا ليه طول الوقت مصرين إننا نكرر أخطاء الماضي بنفس الدقة، الدرس إحنا اتعلمناه، ربما تكون المؤامرة مستمرة، لكن إنتوا عندكم فراعنة صغار هما المتآمرين». وتابع: «هؤلاء الضباط مش محتاجين حد يتآمر عليهم عشان هما بيتآمروا على نفسهم وعلى وزارة الداخلية وبيتآمروا علينا كلنا، إحنا بندفع لحد دلوقتي ثمن اللي حصل بسببكم في 25 يناير، الرئيس قال إن مفيش أي مؤسسة في الدولة تستطيع أن تتجاوز القانون، لا يا سيادة الرئيس، في مؤسسات تتجاوز القانون، والداخلية أولهم».