عده رسائل، أراد الرئيس عبد الفتاح السيسي، أن يرسلها خلال خطابه فى حفل تدشين مشروع تنمية منطقة شرق التفريعة ببورسعيد، اليوم السبت، والتى استهلها بالوقوف دقيقة حدادا على كل ضحايا في العالم، بعضها موجه للإعلاميين والآخر للشباب ورجال الأعمال وأخرى للجماعات الإرهابية التى تستهدف الوطن وتستنزف قدراته وتُهدد مقدراته. حيث تنوعت إشارات ولهجة الرئيس أثناء الخطاب، مابين الغضب والحدة فى بعض الفترات واللين فى فترات أخرى. رسالة لرجال الأعمال: "اشتغلوا" حيث جاءت الرسالة الاولى، بمثابة رسالة طمأنة إلى رجال الأعمال، مؤكدًا أن شكوكهم تجاه العمل في سوق العمل المصرية غير صحيحة، مشيرا إنه يشعر ببعض الشكوك منهم تجاه العمل في سوق العمل المصرية، وتصله دائمًا مخاوفهم، نافيًا صحة تلك المخاوف. وتوجه إليهم بحديثه: «اشتغلوا، عمّرو، ومش عايز أسمع الكلام اللي بيتقال إن رجال الأعمال خايفين، خايفين من إيه؟ هو مفيش قانون في البلد دي ولا إيه؟ محدش يقدر يعمل حاجة فيكم، ومفيش جهاز يقدر يتجاوز، وفي برلمان هيحاسبنا كلنا». واختتم حديثه: «أنا بقولكم الشكوك دي ملهاش أي أساس من الصحة، اشتغلوا وأنا معاكم، تعالوا نحط إيدينا في إيد بعض». رسالة للإرهابيين: "إحنا قد التحدي" بينما جاءت رسالته الثانية للجماعات الإرهابية، حينما قال «إحنا بنتحدي التحدي، الإرهاب عايز يهزّ ويعرقل مصر، لما هما بيعرفوا يبنوا، ولا عايزين حد يبني، لكن إحنا هنبني، ودا تحدي، بفضل الله هنبني رغم الإرهاب». وطالب، المصريين، بالوقوف معه وخاطبهم بقوله: «أنتم تتحدون التحدي، إحنا بنبنبي وسط تحديات الإرهاب والفساد، شايفين العالم بقى عامل إزاي؟ بيدفع ثمن عدم المواجهة الحقيقة للإرهاب، لكن إحنا محدش هيقدر يمنعنا من البناء، أنا مش هعرف أعمل حاجة لوحدي، ولا أي حد، لازم كلنا نقف مع بعض، خلوا بالكم إيه اللي بيتخطط لينا، انتبهوا كويّس، لأن الدولة مش بتعمل شعب، الشعب هو اللي بيعمل دولة». رسالة إلى الشباب: "إحنا صادقين ومبنضحكش على حد" وجاءت الرسالة الأبرز للشباب، حين قال لهم الرئيس السيسي، إنه يسلك الطريق الصعب من أجل التنمية وتأمين مستقبلهم، مؤكدًا أنه كان من السهل إعطاء الشباب 5 أو 6 مليارات من أجل تأسيس مشروعات،ثم «نغسل إيدينا منكم» على حد قوله، لكنه لايفضل ذلك، موضحًا أنه سيتبع الطريق الأصعب من أجل تأمين مستقبلهم. وتابع: «إحنا مبنضحكش على حد، ومبنكدبش، إحنا صادقين، بنعمل لولادنا ولبُكرة، لكن بناء البلاد جهد وعرق وشرف». رسالة للإعلاميين: اصطفوا واشرحوا للناس اللى بيحصل فى القناة فيما طالب السيسي الإعلاميين في رسالته الثالثة، بتنظيم رحلات إلى منطقة قناة السويس، كي يعرف المصريين ما تم إنجازه، وأضاف: «لازم الإعلاميين يقدموا ويشرحوا للناس اللي بيحصل في منطقة القناة، مجددًا دعوته للشعب بالاصطفاف للمحافظة على مصر، وبنائها». وأضاف: «حريصون على زرع الأمل في نفوس المصريين بكل ما أوتينا من قوة». رسالته لمحدودي الدخل: تدخلنا بقوة للسيطرة على ارتفاع الأسعار جاءت الرسالة الأخيرة في كلمته إلى محدودي الدخل، متعهدًا بالقضاء على ارتفاع الأسعار خلال شهر ديسمبر، وقال إن هناك عدة منافذ ثابتة ومتحركة تباع بها السلع الأساسية، وتعهد بتوزيع مليون ونص المليون صندوق سلع أساسية على المناطق الأقل دخلًا في أقرب وقت. وأوضح أن الدولة تدخلت بقوة للسيطرة على ارتفاع أسعار السلع الأساسية، متابعًا: «سيتم توزيع 1.5 مليون كرتونة في الأماكن الأقل دخلًا بواسطة القوات المسلحة». ووجّه الشكر إلى رجال الأعمال الذين أبدوا تفهمًا، وخفّضوا الأسعار في ممتلكاتهم، من أجل تقديم خدمة جيدة للمواطنين.
