ردت الإعلامية لميس الحديدي، اليوم الأحد، على هجوم وتهديدات المستشار مرتضى منصور، التي أطلقها ضدها خلال مداخلة هاتفية له مع برنامج «على مسؤوليتي»، عبر فضائية «صدى البلد»، مع الإعلامي أحمد موسى، بسبب استضافتها للدكتور عمرو الشوبكي، منافس نجله في الانتخابات البرلمانية، عن دائرة الدقي والعجوزة. وقالت، خلال برنامجها «هنا العاصمة»، عبر فضائية «سي بي سي»، «أنا جالي حالة رعب الصراحة، لكن أنا بشكر جمهوري العزيز اللي تبرعلي بكل حاجة، تليفوني مبطلش رن، صعايدة بشوم، وبودي جارد، وناس مسلحين، واللي يقولي لو محتاجة أدوات كهربائية من اللي بتلسع وغيرهم، عايزة ستات ماشي، رجالة ماشي، كله كان جاهز، أنا زُهلت الحقيقة من رد فعل الجمهور». وأضافت: «أنا استأجرت مجموعة من الفرقاطات والغواصات للحماية، لأن النزول من البيت هيبقى نصيبة سودة، ولبست واقي من الرصاص، زي بتاع مرسي، وأجرت شوية بودي جاردات، فضلًا عن الحماية التي خُصصت لي من قٍبل أصدقائي في الداخلية»، متابعة: «أنا طبعًا بهزر، مفيش حاجة من دي، في ربنا وجمهوري بس، وخلوها على الله».