أكد الإعلامي توفيق عكاشة، مالك قناة الفراعين أنه لن يتم أي تعديلات وزارية في الفترة المقبلة، وأن البعض يروج هذه الإشاعة من أجل التشكيك في إقامة الانتخابات البرلمانية المقبلة، وكشف عكاشة أن الرئيس عبد الفتاح السيسي سيوقع على حركة المحافظين بمجرد وصولة من الكويت، حسب قوله. وقال عكاشة في حلقة أمس من برنامجه "مصر اليوم"، المذاع عبر فضائية "الفراعين": "اليهود قالوا إن ربنا خلقنا حمير عشان نخدمهم، لو راضيين قولولي، عشان لو كده أروح ادور على ناس تانية أتكلم معاهم". وتابع عكاشة: "أنا هتكلم النهاردة في الانتخابات، وفي زيارة الرئيس عبد الفتاح السيسي، طبعًا الجرايد مليانة تعديل وزاري بس أنا في رأيي مفيش تعديل وزاري، واللي بيقول إن في تعديل وزاري عايز ينشر إن مفيش انتخابات". واستطرد عكاشة: "الهدف من الاشاعات دي ليها هدفين، الأول إن الوزرا يشتغلوا، والهدف التاني إن الناس تشكك في انتخابات البرلمان". واختتم توفيق عكاشة تصريحاته بالقول:" على مسؤوليتي والله أعلم، لا يوجد تعديلات وزارية نهائية إلا بعد الانتخابات، وحركة المحافظين سيتم توقيعها عقب عودة الرئيس عبدالفتاح السيسي من الخارج".