أخيراً عيد مبارك من غير مبارك ومن غير عائلة مبارك زوجته وأولاده وأخيرا عيد مبارك من غير حراسة ولصوص ودلوقتي محبوسين ربنا ياخدهم كلهم أمين يارب العالمين، وبما إننا نحتفل بالعيد من غير مبارك إللي طلع اسمه نحس عليه وعلي أسرته وعلي جميع المصريين إللي بيحكمهم وظلمهم وسرقهم ونحسهم لمدة ثلاثين سنة إيه رأيك أسيبكم لصاحبي المسطول يقول لكم كل سنة وانتم طيبين علي طريقته ببعض النكت عن المسطولين. النكتة الأولي محشش علق قميصه في الدولاب القميص وقع علي الأرض فقال المسطول: «الحمد لله إني ما كنتش لابس القميص» النكته الثانية، «محشش سألوه لو كنت رئيس جمهورية ليوم تعمل إيه فقال المسطول أو المحشش: كنت اتنحيت من السطل النكته الثالثة اثنين محششين ومسطولين ومروحين مع طلوع الصبح فقام محشش وقال لصديقه المسطول ممكن تدخل كلمة الصُبح في جملة فقال المسطول لصديقه المحشش «هيه ناقصة أمُك علي الصُبح». النكتة الرابعة: «اثنين محششين ماشيين ومروحين فقام المحشش وقع في البلاعة فقام صديقه المسطول بالجري علي الحنفية ليستني صديقه المحشش! اللي وقع في البلاعة».. وآخر نكتة عن الحشاشين النكتة الخامسة «مسطول قال المحشش صاحبه «هوه العمود ده منور فرد عليه المحشش: «معرفش أصلي مش من المنطقة» لكل المصريين أبطال الثورة كل سنة وأنتم لأول مرة من ثلاثين سنة سوف نحتفل ونقول لبعض عيد مبارك من غير مبارك الرئيس السابق اللي قعد 30 سنة نصطبح بوشه ليلة عيد الفطر المبارك وهو بيصلي صلاة العيد مع الكهنة بتوعه، نظيف وعزمي وسرور والشريف.