أذاع التليفزيون المصرى، منذ قليل، جزءا من حوار الرئيس عبد الفتاح السيسى، للتليفزيون الإثيوبى أثناء تواجده فى أديس أبابا، وأكد الرئيس السيسى أن مصر وإثيوبيا بدأتا حقبة جديدة من العلاقات المتميزة التى يسودها التعاون المشترك فى مختلف المجالات. وأشار إلى أن الشعب الإثيوبى له كل الحق فى التنمية والازدهار، وفى نفس الوقت فإن للشعب المصرى الحق فى تأمين حقوقه المائية، وأنه بالحوار يمكن أن نراعى مصالح بعضنا البعض دون الإضرار بالآخر. وفيما يلى نص جزء الحوار:- "أنا محمل برسالة رائعة من المصريين لأشقائنا فى إثيوبيا، الرسالة دى بمنتهى البساطة من كل مواطن مصرى بسيط بيتمنى لأشقائنا فى إثيوبيا ولدولة إثيوبيا التقدم والازدهار، لأن احنا فى مصر برضو بنعانى من ظروف قاسية، احنا عندنا ما يقرب من 55 مليون إنسان يعمل فى الزراعة وفى نفس الوقت فلاح، فنشعر بما تشعرون به". وأضاف السيسى "أرجع للسؤال هل ده إن احنا الزيارة هنا الهدف منها أفضل مما كنا عليه، لا بصراحة احنا عندنا آمال أكتر من كدة وبنقول إن شعب مصر وإثيوبيا من حقهم حياة أفضل من كدة، والعلاقة المفروض تكون أفضل من كدة بكتير، عايزين نتكلم إن شاء الله عن حقبة جديدة بأسلوب جديد وبشكل جديد، بين الأشقاء فى مصر وإثيوبيا". وأكد الرئيس "احنا محتاجين أن احنا نزيل كل الشكوك وكل القلق اللى موجود فيما يخص مسألة المياه بين المصريين لأن المر ده يعنى هو ده جوهر الموضوع، لأننا احنا بنتكلم مش على تنمية احنا بنتكلم عن أحوال حياة". ومن المقرر أن يذاع حوار الرئيس السيسى على التليفزيون المصرى عقب نشرة أخبار الساعة التاسعة.