عزيزي يا ابن بلدي لك مني كل الاحترام والتقدير النهارده حنتكلم في موضوع الساعة وهو أنفلونزا الخنازير موضوع خطير جدا، العالم كله عامل له ألف حساب بدقة وبتقدير لكن احنا هنا في مصر بنكافح المشكلة بمنتهي البساطة والتحقير كل مسئول يطلع ويصرح بأن الوضع مسيطر عليه بالكدب و (التغرير) وهو مش فاهم خطورة الوضع ولو كان لواء ولا وزير أديني بكتب وان شاء الله كلامي ده يخلي إخوانا علي البلد تغير آسف إن كنت قلت كلام صريح أو قصرت في التعبير الأمر يا أولي الأمر لازم يواجه بمنتهي الدقه لأنه جد خطير مش كل واحد يغطِّي مركزه بشوية كلام فارغ وبدون علم وده قمة التقصير المرض ده لو لم يواجه بالعلم والدقة مش حيخللي كبير ولا صغير ولا حتي كاتب الكلام ده اللي إسمه سمير بالعلم والإخلاص وحرية التعبير مش بالقهر والحجر علي التفكير الدنيا اتطورت وبقت في عصر الصواريخ لكن احنا لسه بنركب الكارو والحناطير بلدنا مصر وشعبها يعلي لو تخلص ضمايرنا ويبقي حالنا أحسن من كده بكتير