وجه المنتج «محمد العدل» رسالة لصناع فيلم «اشتباك» وذلك من خلال صفحته الشخصية بموقع التواصل الاجتماعي «فيسبوك». حيث نشر «العدل» صورة لريم العدل، مصممة أزياء الفيلم، بجانب البوستر الدعائي، وعلق عليها قائلًا «ريم العدل..مصممة أزياء فيلم «اشتباك» هى نجمة الفيلم ده فى رأى..عندك فيلم فيه أكتر من 20 ممثل جوا عربية ترحيلات بتشوفهم كلهم تقريبا طول الفيلم... فلك أن تتخيل التحدى على كل المستويات طبعا...بس لما تلاقى جوا العربية دى كل شخصية ليها روح خاصة بيها تجبرك تلمس خصوصيتها ..لما تلاقى 6 عندهم دقن والا دقن فيهم شبه التانية». وأضاف قائلا «لما تلاقى تفاصيل فى الملامح والهدوم والوشوش تخليك مصدق كل واحد فيهم...لما أخر واحد فى المجاميع اللى فى خلفية الكادر يبقى كل حاجة فيه مظبوطة زيه زى الأبطال...يبقى إحنا قدام مصممة أزياء إستثنائية ومن القليلين قوى قوى فى مصر اللى فاهمين إن مصمم الأزياء الشاطر مش هو اللى يلبس الممثلين هدوم «حلوة» مصمم الأزياء الشاطر هو اللى يحط بلمسته روح لكل شخصية فإنت تصدق أنها حقيقة...روحوا شوفوا إشتباك وهتعرفوا إننا عندنا مصممة أزياء بمقاييس عالمية..شكرا يا ريم».
