بعد انتشار كراسة الشروط الأولية لمشروع «القبضة الإلكترونية» ل «رصد المخاطر الأمنية» على مواقع التواصل الاجتماعي، دشن مجموعة من مستخدمي موقعي التواصل الاجتماعي «فيس بوك» و«تويتر» أكثر من هاشتاج للسخرية من إعلان جهاز الأمن الوطني التابع لوزارة الداخلية نيته مراقبة تلك المواقع. في البداية سخر ستيف نبيل من اسم المشروع مستخدما هاشتاج «إحنا_متراقبين»: وكتبت عبيرو:«إحساس بالخوف والريبة والقلق لما يتعمل فيفوريت لتويتة.. بتعمل فيفوريت ليه ها ليه؟ ها؟؟ عايز تويتي في إيه #إحنا_متراقبين ولا إيه؟!»، وكتب جبران بطريقة مقدمة باسم يوسف «البرنامج»:«أحداث هذا الأكاونت لا علاقة لها بالواقع، وأي تشابه هو من قبيل المصادفة أو محض خيال ليس أكثر! »، وقالت سارة شوجار:« طالما إن #إحنا_متراقبين أحب أتعرف على الظابوطة اللى مراقبنى». وشارك الفنان فتحي عبد الوهاب في الهاشتاج: أما فايز فأقر:«أوعى تكون فاكر إننا بنخاف زي الأول إحنا بقينا نخاف أكتر #إحنا_متراقبين»، أما نادية خيري فوجهت أسئلتها لصاحب قرار المراقبة قائلة: «#إحنا_متراقبين طب بذمتك أنت قد القرار ده؟ عندك سجون كفاية؟ ده إحنا شعب مقاطيع ليل نهار عالانترنت. . حتركز معانا إزاي ياباشا؟»، وأضاف بيشو فارس:« عزيزي المراقب تويتاتي لا تعبر عني ولا عن أفكاري إنما لفضح الخونة اللي بيعملوا ريتويت وفيفورت وإحنا في الخدمة يا باشا»، وغرد إسلام جاويش:«#إحنا_متراقبين يعني إمبارح كانوا بيسحبوك بكلابشات. . دلوقتي ممكن يسحبوك بفلاشة». وكانت أشهر «إفيهات» الأفلام العربية أحد الأبطال الرئيسية في الهاشتاج، حيث استخدم المغردون الكثير منها مثل ريما التي كتبت:«بالنسبة للشتيمة اللي اخدتوها ياحكومة عشان قطع الكهرباء ؛أحب أقولكوا. .والنعمة ما أنا دي أختي منى»، وتسأل جيمي بطريقة «حزلقوم»:«طيب بعد ما ترقبونا هاتقبضوا علينا وتكهربونا من باطاطنا وكلاب ويلف وكده؟ #إحنا_متراقبين»، وغرد كالابالا:«أنا يا باشا نضفت من زمان قوي وبقيت ماشي في السليم خش راقب يا باشا برجلك اليمين حاجة مفتخرة #إحنا_متراقبين». أما المطرب الشاب محمد عطية فكان من أكثر مستخدمي الهاشتاج نشاطا، حيث كتب في عدة تغريدات منفصلة:«تسلم الأيادي أجمل أغنية في القرن العشرين والواحد وعشرين»، و«بحكم دراستي في الأزهر أحب أقولكم إن الخروج عن السيسي حرام شرعا (مبسوط مني كده أباشا». وفي الوقت نفسه شهد هاشتاج «وجه رسالة لمخبرك الخاص» الذي افتتحه ستيف نبيل بتغريدة:«بص العصفورة»، نشاطا كبيرا أيضا؛ فكتب عبود:«أنا مش مصري أنا كويتي والله العظيم، وتحيا جمهورية مصر السعودية»، وطلب باهر من مخبره الخاص:«ربع جبنه اسطمبولي وتمن لانشون حلواني، ولو مالقيتش عيش بلدي هات جرجير». وأضافت تمر حنة: «طب احكيلي اللي مضايقك ومتكشرش كده حبش الكآبة»، وكتب مانو:«بما أننا متراقبين والحكومة عارفة كل حاجة طيب تقولونا مين اللى بيسالنا على اسمك وإحنا نقولكوا كل المعلومات التانية».