تحت شعار «ربنا ما يقطع لنا عادة»، دعا عدد من شباب الاسكندرية «نشطاء سياسيون» منتمين لمجموعة من الحركات والحملات والائتلافات الاجتماعية والسياسية، الى المشاركة في حفل افطار جماعي «افطار اسكندراني» للسنة الثالثة على التوالي الجمعة المقبلة 3 اغسطس بحديقة الشلالات وسط العاصمة الثانية. وأكدت الدعوة والتي نشرت عبر «ايفنت»علي «فيس بوك» تحت شعار "فطار اسكندراني.. اتجمعوا الثوار اللي لسه مكملين "، طبعا عارفين ومش محتاجين نقول إن الفطار ده مالهوش دعوة بأي حركة ولا ائتلاف ولا جماعة ولا حزب ولا أي تنظيم، وعشان كده كل واحد فينا «حيجيب فطاره معاه» لان النقطة المستهدفة من اليوم هي أننا كلنا نفطر مع بعض ونأكد أننا كلنا واحد وإيد واحدة بنسعي لهدف واحد بيجمعنا "وطن حُر ". واختتمت الدعوة: " احنا كشباب الإسكندرية بنشوف بعض كتير في الوقفات الصامتة والوقفات الاحتجاجية والمسيرات والندوات وفي أماكن الاحداث، ولكن للأسف ما فيش فرصة نقعد نتكلم فيها مع بعض .. وعشان كده عايزين نفطر كلنا بس ما نتكلمش في السياسة .. كل اللي احنا حنعمله اننا حنتعرف على بعض وندردش شوية يعني يوم ترفيهي وياريت نجيب أهلنا وأصحابنا معانا علشان نقعد كلنا ونقدر نحس أننا بجد أسرة واحدة بتخاف على بعض كلنا حنكون موجودين فى هذا الافطار «فطار اسكندراني» لكل شباب وأهل اسكندرية.
