قال الإعلامي عمرو أديب، إن البعض يتهمه بالتآمر مع النظام بعد طرحه لمبادرة «الشعب يأمر» لتخفيض الأسعار، مضيفًا: «أموت أنا في النظام اللي ينزل الأسعار 20%، أنا عايز أتآمر مع النظام ده، اعملوا مؤامرة مع أحمد موسى، وإبراهيم عيسى، ولميس الحديدي كل يوم وخفضوا الأسعار كل يوم». وأضاف «أديب»، في برنامج «كل يوم»، المذاع على فضائية «On E»، مساء الثلاثاء: «الحملة دي أنا اللي سمتها بس، لكن ليها أخ، وأب، وأم، وناس كتير بيساندوها، لازم يبقى في إحساس بالثقة، واننا نقدر نعمل حاجة، وإن شاء الله الحملة دي هتتعمل». وطالب التجار بعدم معارضة حملته لتخفيض الأسعار، قائلًا: «بقول لأي تاجر لو مش معانا متبقاش علينا، وبناشد الناس اللي مش محتاجة، لو مش محتاج متشتريش السلعة الرخيصة». كان الإعلامي عمرو أديب، قد طرح مبادرة جديدة الاثنين، تحت مسمى «الشعب يأمر»، طالب فيها الحكومة والتجار، بتخفيض أسعار السلع الغذائية بنسبة 20% لمدة 3 شهور في العام.