النهاردة عايز اتكلم على شخصية …سبقنى الآلاف ويمكن الملايين فى الكلام عنها شخصية صدح صوتها بالغناء فى منزلنا منذ الصغر ومازلت حتى الان اعيش مع اغانيه …هتكلم عن عبد الحليم حافظ الذى ودعنا منذ ما يقرب من تسعة وثلاثون عام فى يوم 30 مارس 1977 مازلت اتذكر يوم الجنازة وكأنه بالامس شاهدتها من احدى نوافذ الدور العاشر لمجمع التحرير قسم قضايا الدوله .. وكيف ان والدتى رحمها الله اخذت فى البكاء الشديد وكانت هى وخالتى من اصدقاؤه واتذكر ان امى اصطحبتنى بعد شراء بوكيه ورد وذهبنا الى منزله فى عمارة السعوديين بنيل العجوزه وادخلتنا اخته عليه الى غرفته وكان طريح الفراش فى مرضه الاخير واتذكر انه قال بصوت واهن وكان معلق محاليل سلميلى على سميرة يانوال احتمال معرفش اشوفها تانى وقد كان ..اتذكر فى حفل عيد ميلاد ابنت خالتى وكان فى صحارى سيتى انه اجلسنى على قدمه وشدى بأغنية عقبال يوم ميلادك ..الله يرحمه … مرت السنين ومازلت اتفرج على فيلم له على الاقل مرة اسبوعيا بالرغم انى حافظها على ظهر قلب …ازاى متفرجش على سمسم الشاب الى ضاربها بالجزمة يوم ينام فى البوريفاج ويوم على الرصيف وازاى كان بيقابل نوال (القديرة فاتن حمامه ) صدفه ويغنيلها صدفة فى جنينة الاسماك فى موعد غرام …ازاى انسى جلال او جلجل الشاب حفيد العملاق حسين رياض وهو بيبص على جزمة سهام احمد محمد الشربينى (القديرة شادية ) وهى ورا الستارة فى غرفة الاستاذ علام فى لحن الوفاء وده اول فيلم ليه طيب بزمتكم فى حد ممكن ينسى دور صلاح الرومانسى الى اول ما شاف سميحه بتديله معلقة مربى الفراوله نسى الجوع وحبها وطبعا مدش هينسى مكالمات نص الليل بتاعتهم والدبلة الى مبتتقلعش ابدا فى الوسادة الخالية واغنية مشغول وحياتك مشغول فى معبد فرعونى مش عارف هو فين فى مصر الجديده . مين ممكن ينسى احمد سامى المدرس فى مدرسة خليل باباظ وهو بيغنى للاستقراطية الجميلة جداا نادية (مريم فخر الدين ) على كورنيش البحر فى الاسكندرية بتلومونى ليه فى حكاية حب مين ميفتكرش حسين وهو بيغنى لسهير (الجميله اووى نادية لطفى )مغرور وحياتك مغرور .. وطبعا مننساش القلم الشهير على وش عبد الحليم من عماد حمدى ويقال ان المخرج طلب انه يضرب حقيقيى علشلن تبقى واقعية ونزف عبد الحليم واتوقف التصوير كل ده فى فيلم الحطايا …ومين ميفتكرش خالد الشاب العاقل وصاحبه الصايع بيتخانقو على الرقيقة ماجده ولا وهو بيغنى اهواك الى كتبتها كان فظيع فى الفيلم ده … وطبعا لما تتفرج على شارع الحب وتشوف كابتن كريمه (صباح ) بتشيل دقن البرفسور دى صابرى وتشوف دموعها وهو بيغنى الليالى وبرضه وتشوف فرحتها وهو بيغنى نعم يا حبيبى نعم انا ممكن اقعد احكى عن افلامه مجلدات..سيبقى عبد الحليم اسطورة رومانسية رمز للحب وطبعا مهما اتكلمنا على اغانيه الوطنية زى ابنك يقولك يا بطل ….خلى السلاح صاحى ..صوره …هتفضل يا عبد الحليم جوايا واغانيك بتسعدنى ..الله يرحمك ويغفر لك كما اسعدت الملايين فى كل مكان عبر السنين الى فاتت. قدم الفنان الراحل عبد الحليم حافظ مجموعة كبيرة من أجمل الأغانى التى لا نستطيع ان ننساها ونسمعها مع مرور السنين وهذه أسماء الأغانى التى غناها على مدار مشواره الفنى أغانى من 1951 إلى 1959 الأصيل – الأصيل الذهبي – احتار خيالي – إحنا الشعب – إحنا كنا فين – أحن إليك – اسبقني يا قلبي – اصحى وقوم – أقبل الصباح – أقول ما أقولشي – أمل – أنا أهواك – أنا لك على طول – إنت إلهام جديد – إنت غريب – إني ملكت في يدي زمامي – أهل الهنا – أهواك – أول مرة تحب يا قلبي – إيه ذنبي إيه – إيه فكرك – أبداً راح – أقول بتقوللي بكرة – بتلوموني ليه – بحلم بيك – بدلتي الزرقاء – بكرة وبعده – البلبل والزهرة – بيع قلبك – بيني وبين قلبي – بيني وبينك إيه – تخونوه – تعالي أقولّك – توبة – ثورتنا المصرية – جانا الخير – الجدول – الجمال هو – حبك نار – حبيب حياتي – حبيبي في عنيّه – حرام يا نار – حلفني – الحق عليّا اللي عرفتك – الحلو حياتي – حلو وكداب – خسارة .. خسارة – خليك معايا – الدنيا كلها ( أنشودة الحياة ) – ذات ليلة – ذاك عيد الندى – ربما – ربيع شاعر – روحي..حياتي (الحب بيسأل ) – سلامات ازيكم – سمراء – شغلوني – صافيني مرة – صحبة الورد – صدفة – ظالم – ظلموه – عشانك يا قمر – عقبالك يوم ميلادك – على قد الشوق – العهد الجديد – العيون بتناجيك – غني..غني – غني يا قلبي – فات الربيع – فاتوني – فرحتنا يا هنانا – فوق الشوك – في سكون الليل – في يوم في شهر في سنة – في يوم من الأيام – القرنفل – قولوله الحقيقة – كان فيه زمان – كفاية نورك – كنت فين – لا تلمني – لايق عليك الخال – لحن الوفاء – لقاء – الله يا بلادنا الله – لما ترعاني – لو كنت يوم أنساك – لو كنت يوم على قلبي تهون – الليالي – اللي انشغلت عليه – الليل أنوار وسمر – ليه تحسب الأيام – ليه تشغل بالك – يا أبو قلب خالي – متصدقنيش – مشغول – مركب الأحلام – مركب العشاق – موالي..موالي – نسيم الفجرية – نعم يا حبيبي نعم – هنا روض غرامنا – هيّ دي هيّ – وفاء – يا إله الكون – يا جمال يا حبيب الملايين – يا حلو يا اسمر- يا سيدي أمرك – يا قلبي خبّي – يا قلبي يا خالي – يا اللي إنتِ نجوى خيالي – يا مغرمين – يللا يا جن – يا مواعدني بكرة – يوم وارتاح أغانى من 1960 إلى 1969 ابنك يقولّك يا بطل – أحبك – أحضان الحبايب – احلف بسماها – أدعوك يا سامع دعايا – أدهم الشرقاوي – اضرب..اضرب – أعز الناس – أنا من تراب – إنذار – بالأحضان – بالدم – بأمر الحب – بركان الغضب – بستان الاشتراكية – بعد إيه – بلاش عتاب – بلدي يا بلدي – البندقية اتكلمت – بين صحبة الورد – بيني وبين الناس – أنا كل ما أقول التوبة – الثأر – جانا الهوى – جبار – قضبان حديد انكسرت – جواب – الجيل الصاعد – حاجة غربية – حبيبها – حكاية شعب- الحلوة – خايف مرة أحب – خليني كلمة – ذكريات – راح..راح – راية العرب – صوت الجماهير – صورة – ضحك ولعب – ضي القناديل – سواح – طاير على جناح الحمام – ع التوتة – عدى النهار – على حسب وداد – عيني ضناها السهر – فدائي – الفرح – الفنارة – الفوازير – قاضي البلاج – قوللي حاجة – كامل الأوصاف – لست قلبي – العيد العيد – م الجهرة للسلمية – المسؤولية – المسيح – مطالب شعب – مغرور – ناصر يا حرية – نفضت عنيّه المنام – الهوى هوايا – والحبة في الأرض – ورحمتك في النسيم – وحياة قلبي وأفراحه – ورق الشجر – الوطن الأكبر – الوي الويل – يا أهلاً بالمعارك – يا بلدنا لا تنامي – يا حبايب بالسلامة – يا خالق الزهرة – يا خلي القلب – يا فرحة السمّار – يا هلي يا هلي أغانى من 1970 إلى 1977 استعراض الطلبة – اطلب يا شباب – أي دمعة حزن لا – بحلم بيوم – حاول تفتكرني – حبيبتي من تكون – خلّي السلاح صاحي – رسالة من تحت الماء – زي الهوا – صباح الخير يا سينا – عاش اللي قال – عيد ميلاد الحسن – فاتت جنبنا – الفجر لاح – فيه ناس – قارئة الفنجان – قومي يا مصر – لفي البلاد يا صبية – ليالي العيد – ليلة القمر – الماء والخضرة – ماشي الطريق – مداح القمر – المركبة عدّت – مصر – موعود – مين أنا – ناداني الحب – نبتدي منين الحكاية – النجمة مالت ع القمر – والله ما أقول الآه – يا مالكاً قلبي – يا مركبي سيري من أغانيه الوطنية "العهد الجديد" عام 1952: أول نشيد وطني غناه عبد الحليم حافظ في حياته، من كلمات محمود عبد الحي وألحان عبد الحميد توفيق زكي، وقد غناها عبد الحليم بعد قيام ثورة 23 يوليو "إحنا الشعب" عام 1956: أول أغنية يغنيها حليم للرئيس جمال عبد الناصر بعد اختياره شعبياً لأن يكون رئيساً للجمهورية سنة 1956 وهي أول لقاء فنى بين الثلاثي عبد الحليم والمحلن كمال الطويل والشاعر صلاح جاهين "على ارضها" أو "أغنية المسيح"، التي تتغنى بالقدس من كلمات عبد الرحمن الأبنودي وألحان بليغ حمدي وتوزيع علي إسماعيل. "ابنك يقولك يا بطل" من كلمات عبد الرحمن الأبنودي، لحن كمال الطويل "حكاية شعب" عام 1960: من كلمات أحمد شفيق كامل ولحن كمال الطويل، وذلك في حفل أضواء المدينة الذي أقيم بمدينة أسوان للإحتفال بوضع حجر الأساس بيناء السد العالي. "أحلف بسماها" عام 1967: التي وعد عبد الحليم أن يغنيها في كل حفلاته إلى أن تتحرر أرض مصر في سيناء وهي من كلمات عبد الرحمن الأبنودي وألحان كمال الطويل. "عاش اللي قال" 1973: أول أغنية غناها عبد الحليم بعد نصر أكتوبر وهي من كلمات محمد حمزة وألحان بليغ حمدي، وكانت أول أغنية أشاد فيها بدور الرئيس محمد أنور السادات في انتصار مصر العظيم. "النجمة مالت على القمر" عام 1975: كلمات محسن الخياط وألحان محمد الموجي، و"المركبة عدت" من كلمات مصطفى الضمراني وألحان محمد عبد الوهاب بعد إعادة افتتاح قناة السويس للملاحة العالمية. "نشيد الوطن الأكبر" من كلمات أحمد شفيق كامل "وألحان محمد عبد الوهاب. قام عبد الحليم ببطولة المسلسل الإذاعي "أرجوك لا تفهمني بسرعة"سنة 1973 ، وهو المسلسل الوحيد الذي شارك فيه عبد الحليم كبطل للحلقات، وذلك برفقة نجلاء فتحى وعادل إمام قصة محمود عوض وإخراج محمد علوان. كما قدم عبد الحليم 3 برامج غنائية هي: "فتاة النيل" للشاعر أحمد مخيمر وألحان محمد الموجي وإخراج كامل يوسف، و"معروف الاسكافي" للشاعر إبراهيم رجب وألحان عبد الحليم علي وإخراج عثمان أباظة، و"وفاء" للشاعر مصطفى عبد الرحمن وألحان حسين جنيد وإخراج إسماعيل عبد المجيد.
