شعر/ عبد الناصر السمطي ( 1 ) تحت جدار الضل سبتي نظرتين حركتي صمت الضي والضمتين جوا دايرة المحتمل والاحتمال دعوتين يخرجوا لغاية الضحى والدعوتين ................. عدى المكان من هنا يضحك سكات يبكى سوسنة من كام سنة نبت البحر ف دمنا شمس مايله للغروب ...................... بحبك ... رغم اختلاف الشوق بحبك نجمة جوا القلوب بتشوف كل دمعة عشق كل فرحة صدق كل قلب لعنيكي ملهوف بحبك رغم اختلاف الشوق (2 ) تحت جدار الحلم نورتي صوت الليل شفت وسط الغمام المبتدأ والخبر 000رحيل فوق سنين المنتهى بين شواشي المستحيل يخرج م حضورك صباح المنتظر.. كي.. للتعليل .......................... زي الخريف عدت سنين الجفا زي الدفا جآت سنين المبدأ منين متشاور تلقي الإيدين المتجه آه.. يا حلم قام من عزلته شٌد جموح المبتغى عايزك عايزك لأخرضحكة في المشوار وآخر دمعة في الملتقى ( 3 ) تحت جدار الليل شغلتي توب النهار الفكر يدوب اكتمل والحلم عاشق الانتظار بين شموس السنابل مكتوف النور والخضار حللي ..... رباط التمني لو..... بتصبح ساعات للانكسار ........................ من كام ..... مليون سنة اتقبلنا إزاي انتي و انا وقولنا كتير ف الحب كلام وزرعنا العشق ف دمنا يا هل ترى .... الزمان هو اللي جمعنا وللا احنا اتخلقنا لبعضنا