الشاعرة مها السحمرانى انا طفلة بمدارس الشعر وانت دكتور بدي تشرحلي عن الشعر كلمات بدي تعلمني قوانين العشق و الدستور يا ترى دستور العشق ثابت طول الحياة ولا بيتغير على حسب البحور وبتعرقل تنفيذ قوانينه طول المسافات ؟ هل صحيح الهوى لعبة والكل عليه الدور ؟ ولا مثل ما بقولو كله تعب وصدمات في ناس بتقول العشق كله سعادة وسرور وفي ناس تعبت من الحزن والاهااات معقول العشق يشبه الخلجان والبحور وحاله دوم مش مستقرة وما له ثبات يا اهل العشق دماغي عم يلف ويدور بلكي بكتشف سر من اسرار هالحياة بلكي بعرف ليش الفاشل بالهوى مقهور وليش عاللي سابه بيزرف الدمعات ما سأل نفسه ولا مرة ليش تغير هالشعور وليش تركه بعد ما انكتب عن حبهم حكايات عم اكتشف ما في حب كله هناء وسرور ولا في حب مثل اللي موجود بالروايات يبقى هالكلام ضمن كتاب بدرسه لطلابه الدكتور لأنو مهما تعلمنا الحب بنشوف حالنا بعدنا بالبدايات