يا ام الخدود عناب والشعر موج سايل واقف سنين ع الباب ودمنا سايل _ ف الاقصي مات الولد شايل ف ايده سلاح قامت بعده البلد تكمل سيره الكفاح _ يا ام الخدود تفاح الدم موج سايل حي علي الفلاح ما تخافي م القوايل _ ف مصر مات الولد عشان طلع صوته قامت بعده البلد تأخد بتار موته _ يا ام الخدود تفاح ليه تكتمي صوته العفن ليه فاح من يخاف قوته __ ف ليبيا مات الولد لاجل قال بحلم ازيح منها البلد و عجوزها ما بيفهم _ يا ام الخدود مرمر سيبانا ليه نحلم فين الفرد المعمر عشان نتكلم _ ف سوريا مات الولد ما حد له اتحرك امتي تقومي يا بلد وامتي نتحرك